English | عربی | Kurdî دواهەواڵ
ڕاستەوخۆ
 
ناتوانین له‌ده‌ست به‌رزبوونه‌وه‌ی پله‌ی گه‌رمی رابكه‌ین
2016-10-01 [06:09 AM]

ZNA - هه‌ولێر


خاتونێكی پسپۆڕ له‌ زانكۆی ستاتفۆردی كارۆلاینا سنایده‌ر به‌دواداچوونی بۆ گۆڕانكاری پله‌ی گه‌رمی رووی زه‌وی له‌ماوه‌ی دوو ملیۆن و نیو ساڵی ئه‌مدواییهدا‌ كردوه‌، ده‌ركه‌وتووه‌ به‌رزبوونه‌وه‌ی پله‌ی گه‌رمی به‌ ئه‌ندازه‌ی 7 پله‌ سه‌دی به‌رز ده‌بێـته‌وه‌، ئه‌مه‌ش رووداوێكه‌ هه‌ر روو ده‌دات و ناتوانین له‌ ده‌ستی رابكه‌ین.

ئه‌و خاتوونه‌ زیاتر له‌ 20 هه‌زار سامپلی كه‌ڵه‌كه‌بووی بنی 59 شوێنی جیاجیای ئوقیانوسه‌كانی وه‌رگرتووه‌، ماوه‌ی هه‌زار ساڵ جیاوازیان هه‌یه‌، بۆ ئه‌وه‌ی نه‌خشه‌كێشانه‌كه‌ی دروست بكات و له‌گه‌ڵ گۆڕانكاری واقعی پله‌ی گه‌رمی بێته‌وه‌.

ئه‌و شیكاریه‌ی كارۆلین سنایده‌ر كردویه‌تی، ده‌ركه‌وتووه‌، پله‌ی گه‌رمی رووی زه‌وی له‌ نزیكه‌ی 1.2 ملیۆن ساڵدا له‌ دابه‌زین وه‌ستاوه‌، هه‌روه‌ها به‌پێی ئه‌و شاره‌زاییه‌ی له‌ بواری گۆڕانكاری كه‌شوهه‌وادا پێشتر به‌ده‌ستی هێناوه‌، ئه‌و زانا ئه‌مه‌ریكییه‌ گه‌یشته‌ ئه‌نجامێك كه‌ مانه‌وه‌ی ئه‌و ئه‌ندازه‌یه‌ له‌ دووه‌م ئۆكسیدی كاربۆن له‌به‌رگه‌ هه‌وای زه‌وی ده‌بێته‌وه‌ هۆی ئه‌وه‌ی پله‌ی گه‌رمی زه‌وی به‌ ئه‌ندازه‌ی 3 بۆ 7 پله‌ی سه‌دی زیاد بكات، ئه‌و زیادبوونه‌ش به‌م نزیكانه‌ روو ده‌دات و واته‌ به‌پێی پێوه‌ره‌ جیۆلۆجیه‌كان له‌ماوه‌ی چه‌ند هه‌زار ساڵێكدا روو ده‌دات، ئه‌م به‌رزبوونه‌وه‌یه‌ش ناتوانین خۆمانی لێ قوتار بكه‌ین.

كارۆلین سنایده‌ر ئاماژه‌ی به‌وه‌ كرد، توێژینه‌وه‌كه‌ی، قوڵترین توێژینه‌وه‌یه‌ به‌ ورده‌كارییه‌كی زۆره‌وه‌ تاكو ئێستا سه‌باره‌ت به‌ ناوه‌ندی پله‌ی گه‌رمی رووی زه‌وی ئه‌نجام درابێت.

 

RT





ئەم هەواڵە 19366جار خوێندراوەتەوە
 
 
ڤیدیۆ گەلەری
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
له‌ ئاسمانه‌وه‌ قه‌باره‌ی ئه‌و زیانه‌ی به‌ر موسڵی كۆن كه‌وتووه‌، ببینه‌
له‌ ئاسمانه‌وه‌ وێنه‌ی وێرانه‌ی مزگه‌وتی نوری و مناره‌ی حه‌دبا ببینه‌
مۆبایل سەری لە قوڕێ نا
موشه‌كی رووسی له‌ ده‌ریای ناوه‌ڕاسته‌وه‌ ئاراسته‌ی داعش له‌ ته‌دمور ده‌كرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad