English | عربی | Kurdî دواهەواڵ
ڕاستەوخۆ
 
ریش سپیایه‌تی سلێمانی كاری هه‌ر كه‌س نیه‌
2016-11-17 [09:31 AM]

نووسینی: مەحمود محەمەد


 

سلێمانی وه‌كو مێژوو و قوربانی، سلێمانی وه‌كو رۆڵی رۆشنبیری و سیاسی و كوردایه‌تی، شایستەی ئه‌و ره‌فتاره‌ی هه‌ندێك له‌و خه‌ڵكه‌ به‌ناو سیاسی و رۆشنبیره‌ نیه‌، كه‌ پێی ده‌كه‌ن.
چه‌ند رۆژنامه‌نووسێك و سیاسییه‌كی كه‌م ئه‌زموون، به‌ پشتیوانی كه‌سانی هه‌ڵگری هزری دژ به‌ مافه‌كانی كورد و كوردستان، له‌ ده‌روازه‌ی پڕ له‌حه‌ماسی كوردایه‌تی و بێ‌ ده‌نگ نه‌بوون و كپ نه‌بوون و هه‌میشه‌ ئاماده‌یی خه‌ڵك بۆ به‌رگری له‌مافه‌كانی خۆیان و ئه‌وانی دیكه‌ش ، ده‌چنه‌ ژورێ‌ و، ئاراسته‌ و مه‌رامی گروپی سیاسی خۆیان ئاوێته‌ی هاواری ره‌وای ناو ده‌می كچان و كوڕانی توێژه‌كانی ئه‌و كۆمه‌ڵگا پڕ له‌ هه‌ست و دڵسۆزه‌ی سلێمانی ده‌كه‌ن و، زه‌مینه‌ی ئاراسته‌یه‌كی نا ته‌ندروست ده‌ڕه‌خسێنن!

 رۆژی شه‌ممه‌ی رابردوو (12ی نۆڤه‌مبه‌ری ئه‌مساڵ) به‌نموونه‌، حزبی گۆڕان ئه‌جێندای سیاسی خۆیان كرده‌ دروشمی رێپێوانه‌كه‌ و ئیحراجیان بۆ هه‌ندێ‌ لایه‌نی دیكه‌ش دروستكرد و ئه‌وانیش له‌ترسی دواكه‌وتن و به‌جێمانیان سنگیان زیاتر بردە پێش و كارته‌ سوره‌كانی ده‌ستیان به‌رزتر كرده‌وه‌.... تا وای لێهات له‌سه‌رووی خۆیانه‌وه‌ پێیان بڵێن ئه‌م هه‌وڵه‌تان ده‌چێته‌ خزمه‌تی خیانه‌تی نیشتمانی.

ئه‌وكاته‌ی بانگه‌شه‌ی جیاكردنه‌وه‌ی پارێزگای سلێمانیان كرد، هه‌ر سلێمانیه‌كان له‌ گه‌رمیانی ئه‌نفالكراو و هه‌ڵه‌بجه‌ی كیمیابارانكراو و رانیه‌ی ده‌روازه‌ی راپه‌ڕین و پشده‌ری چه‌ندجار شه‌هید و سلێمانی خاوه‌ند زینده‌به‌چاڵه‌كان، پێیان گوتن (STOP) و سلێمانی وه‌ك شار و وه‌كو مێژوو، وه‌ك ئاره‌زوو، رێتان پێنادا ئێوه‌ ببنه‌ ریش سپی، چونكه‌ ریش سپیایه‌تی ئه‌م پارێزگایه‌ به‌هه‌موو كه‌س ناكرێت، پێیان وتن ئێوه‌ خه‌ریكن سلێمانی له‌زۆر شت داده‌ماڵن و، ده‌توانن به‌ناوی حزب و گروپه‌كانتانه‌وه‌ قسه‌بكه‌ن به‌ڵام به‌ناوی سلێمانی نه‌خێر، ئه‌مجاره‌ش به‌ ئارامی به‌ ئارامه‌كان و ئه‌وانه‌ی پشت ئارامه‌كانیان گوت بڕیاری ئێمه‌ به‌ده‌ست ئێوه‌ نیه‌.


 





ئەم هەواڵە 3172جار خوێندراوەتەوە
 
 
ڤیدیۆ گەلەری
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
بوێری دەکەیت ئاوا خۆت ھەڵدەیت
چین...تووشی رووداوێكی ترسناك بوو، به‌ڵام رزگاری بوو
ئەرجەنتین..بۆ تۆماركردنی ریكۆردێك، 2000 كەس لەسەر ئاو پاڵكەوتوون
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad