English | عربی | Kurdî دواهەواڵ
ڕاستەوخۆ
 
به‌رپرسێك: له‌ماوه‌ی هه‌فته‌یه‌ك رزگاركردنی به‌ری چه‌پی موسڵ راده‌گه‌یه‌نرێت
2016-12-29 [03:24 AM]

ZNA - هه‌ولێر



وته‌بێژی خۆبه‌خشانی نه‌ینه‌وا، رایگه‌یاند، له‌گه‌ڵ ده‌ستپێكردنه‌وه‌ی قۆناغی دووه‌می رزگاركردنی موسڵ هێزه‌ عێراقییه‌كان پێشڕه‌وییه‌كی گه‌وره‌یان له‌به‌ری چه‌پی موسڵ كردوه‌، وتیشی، ئه‌گه‌ری هه‌یه‌ له‌ماوه‌ی ته‌نها هه‌فته‌یه‌كی دیكه‌ رزگاركردنی ته‌واوی به‌ری چه‌پی موسڵ رابگه‌یه‌نرێت.

مه‌حمود سورچی رایگه‌یاند، ده‌زگای دژه‌ تیرۆر به‌ره‌و گه‌ڕه‌كه‌كانی قودس و كه‌رامه‌ له‌ رۆژهه‌ڵاتی موسڵ پێشڕه‌ویان كردوه‌.

ئاماژه‌ی به‌وه‌ش دا، له‌میحوه‌ری باشوری رۆژهه‌ڵاتی موسڵ فرقه‌ی نۆی سوپا و پۆلیسی فیدرالی به‌ره‌و رزگاركردنی گه‌ڕه‌كه‌كانی سه‌لام و شه‌یما پێشڕه‌وی ده‌كه‌ن بۆ ئه‌وه‌ی بگه‌نه‌ گه‌ڕه‌كه‌كانی وه‌حده‌ و سۆمه‌ر و نه‌خۆشخانه‌ی سه‌لام بۆ پاككردنه‌وه‌ی داعش له‌و ناوچانه‌.

سورچی وتیشی، هێزه‌كانی فرقه‌ی 16 گه‌یشتنه‌ ناوچه‌ی ساده‌ به‌ره‌و حه‌دبا و گه‌ڕه‌كی سوكه‌ر له‌ گه‌ڕه‌كه‌كانی سه‌ره‌تای باكوری موسڵ بۆ ئه‌وه‌ی به‌یه‌كجاری داعش له‌به‌ری چه‌پی موسڵ نه‌هێڵن.

مه‌حمود سورچی ئاماژه‌ی به‌وه‌ش دا، هێڵی به‌رگری چه‌كدارانی داعش له‌به‌رده‌م هێرشی هێزه‌ عێراقییه‌كان روخاون، به‌ڵام داعش توانای شه‌ڕكردنی ماوه‌.

سورچی پێی وایه‌، له‌ماوه‌ی ئه‌مڕۆ و سبه‌ی هێزه‌ عێراقییه‌كان بۆ رزگاركردنی ناوچه‌كانی به‌ری چه‌پی موسڵ،  سه‌ركه‌وتنی گه‌وره‌ به‌ده‌ست ده‌هێنن، وتیشی، له‌ماوه‌ی ته‌نها هه‌فته‌یه‌كی دیكه‌ رزگاركردنی ته‌واوی به‌ری چه‌پی موسڵ راده‌گه‌یه‌نرێت.

ئه‌و وته‌بێژه‌ ره‌تی كرده‌وه‌ كه‌ هێزی پیاده‌ی ئه‌مه‌ریكی له‌ رزگاركردنی به‌ری چه‌پی موسڵ به‌شداریان كردبێت، وتیشی، به‌ڵام راوێژكارانی ئه‌مه‌ریكا له‌ هاوپه‌یمانی نێوده‌وڵه‌تی دژی تیرۆر بۆ پێدانی راوێژ و زانیاری بۆ هێزه‌ عێراقییه‌كان ئاماده‌ییان هه‌یه‌.


سپۆتنیك

 

 





ئەم هەواڵە 5707جار خوێندراوەتەوە
 
 
ڤیدیۆ گەلەری
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
بوێری دەکەیت ئاوا خۆت ھەڵدەیت
چین...تووشی رووداوێكی ترسناك بوو، به‌ڵام رزگاری بوو
ئەرجەنتین..بۆ تۆماركردنی ریكۆردێك، 2000 كەس لەسەر ئاو پاڵكەوتوون
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad