English | عربی | Kurdî دواهەواڵ
ڕاستەوخۆ
 
عه‌بادی به‌شداریكردنی هێزه‌ی پیاده‌ی بیانی له‌ شه‌ڕی موسڵ رتكرده‌وه‌
2017-01-02 [04:33 AM]

ZNA - هه‌ولێر


سه‌رۆكی وه‌زیرانی عێراق حه‌یده‌ر عه‌بادی رایگه‌یاند، هاوپه‌یمانی نێوده‌ڵه‌تی هیچ رۆڵێكیان له‌سه‌ر زه‌وی نییه‌، وتیشی، رۆڵێ هاوپه‌یمانان ته‌نها پشتیوانیكردنه‌، فرانسوا هۆلاند سه‌رۆكی فه‌ره‌نساش وتی، پشتیوانی و هاوكارییه‌كی كارای پرۆسه‌ی موسڵ ده‌كه‌ین.

حه‌یده‌ر عه‌بادی له‌ كۆنگره‌یه‌كی رۆژنامه‌وانی هاوبه‌شدا له‌گه‌ڵ سه‌رۆكی فه‌ره‌نسا رایگه‌یاند، زۆر پێویسته‌ هاوكارییه‌كی هه‌واڵگری له‌نێوان عێراق و فه‌ره‌نسا و وڵاتانی دیكه‌ هه‌بێت بۆ ئه‌وه‌ی پیلانی تیرۆرستان له‌ناو ببرێت، وتیشی، عێراق رووبه‌رووی رێكخراوێكی تیرۆرستی جیهانی ده‌بێته‌وه‌، بۆیه‌ هاوكاری یه‌كتر ده‌كه‌ین له‌ گه‌ڵ وڵاتانی دۆست، بۆ ئاڵگۆڕكردنی زانیاری هه‌واڵگری له‌مه‌ڕ بوونی تیرۆرستان له‌ وڵاته‌كانیان.

داوای له‌ هێزه‌ ئه‌منییه‌كان كرد، له‌ ئاماده‌باشی دا بن، له‌به‌ر ئه‌وه‌ی داعش ده‌یه‌وێ له‌رێگه‌ی كرده‌وه‌تیرۆرییه‌كان جیاوازی بخاته‌ نێوان عێراقییه‌كان.

لای خۆیه‌وه‌ سه‌رۆكی فه‌ره‌نسا له‌ كۆنگره‌ رۆژنامه‌وانیه‌كه‌ وتی، سه‌ردانی من بۆ به‌غدا بۆ ئه‌وه‌یه‌ پشتیوانی و هاوكاری كارای فه‌ره‌نسا بۆ پرۆسه‌ی رزگاركردنی موسڵ ده‌ربڕین، وتیشی، له‌گه‌ڵ سه‌ركرده‌كانی عێراق رێككه‌وتین كه‌ ده‌بێت شه‌ڕكه‌ره‌كان ته‌نها عێراقییه‌كان خۆیان بن، ئاماژه‌ی به‌وه‌ش دا، فه‌ره‌نسا به‌هه‌موو توانایه‌كییه‌وه‌ به‌شداری دووباره‌ نۆژه‌نكردنه‌وه‌ی شاری موسڵ ده‌كات.

ئه‌مڕۆ دووشه‌ممه‌ فرانسوا هۆلاند گه‌یشته‌ به‌غدای پایته‌ختی عێراق و له‌گه‌ڵ حه‌یده‌ر عه‌بادی و سه‌ركرده‌كانی دیكه‌ی ئه‌و وڵاته‌ كۆبووه‌وه‌.

 





ئەم هەواڵە 4456جار خوێندراوەتەوە
 
 
ڤیدیۆ گەلەری
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
له‌ ئاسمانه‌وه‌ قه‌باره‌ی ئه‌و زیانه‌ی به‌ر موسڵی كۆن كه‌وتووه‌، ببینه‌
له‌ ئاسمانه‌وه‌ وێنه‌ی وێرانه‌ی مزگه‌وتی نوری و مناره‌ی حه‌دبا ببینه‌
مۆبایل سەری لە قوڕێ نا
موشه‌كی رووسی له‌ ده‌ریای ناوه‌ڕاسته‌وه‌ ئاراسته‌ی داعش له‌ ته‌دمور ده‌كرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad