English | عربی | Kurdî دواهەواڵ
ڕاستەوخۆ
 
قوتابخانه‌یه‌ك پاش نۆژه‌نكردنه‌وه‌ی پێشكه‌شی قوتابیان ده‌كرێته‌وه‌
2017-01-03 [11:28 AM]

ZNA – ھەولێر


به‌پێی پرۆژه‌یه‌كی هاوبه‌شی نێوان ده‌زگای GIZی ئه‌ڵمانی و ده‌زگای خێرخوازیی بارزانی كه‌ تایبه‌ت بوو به‌ نۆژه‌نكردنه‌وه‌و بۆیاخكردنه‌وه‌ی 27 قوتابخانه‌ له‌سنوری هه‌ردوو پارێزگای هه‌ولێر و دهۆك، له‌مه‌راسیمێكدا له‌شارۆچكه‌ی ره‌واندوز قوتابخانه‌ی موژده‌ی بنه‌ڕه‌تی تێكه‌ڵاو دووباره‌ پێشكه‌ش به‌ قوتابیان كرایه‌وه‌. 

رێككه‌وتی 3/1/2017 له‌ مه‌راسیمێكدا له‌ شارۆچكه‌ی ره‌واندوز له‌ مه‌راسیمێكدا به‌ ئاماده‌بونی موسا ئه‌حمه‌د جێگری سه‌رۆكی ده‌زگای خێرخوازیی بارزانی و خاتو كوێستان قادر قایمقامی شارۆچكه‌ی ره‌واندوز و ئیبراهیم خه‌لیل نوێنه‌ری ده‌زگای GIZی ئه‌ڵمانی و به‌ڕێز شێخ سه‌عید په‌روه‌رده‌ی ره‌واندوز، كردنه‌وه‌ی قوتابخانه‌ی موژده‌ی بنه‌ڕه‌تی تێكه‌ڵاو پاش ره‌نگڕێژكردنه‌وه‌ی له‌لایه‌ن هه‌ردوو ده‌زگای GIZ و ده‌زگای خێرخوازیی بارزانی پێشكه‌شی قوتابیانی ئه‌و ده‌ڤه‌ره‌ كرایه‌وه، بۆ نۆژه‌نكردنه‌وه‌ ره‌نگڕێژكردنه‌وه‌ی ئه‌و قوتابخانه‌یه‌ هه‌لی كار بۆ 39 هاوڵاتی كه‌مده‌رامه‌تی ئه‌و ده‌ڤه‌ره‌ ره‌خسا بۆ ماوه‌ی 40 رۆژ له‌و پرۆژه‌یه‌دا كار بكه‌ن و له‌ڕووی مادییه‌وه‌ سودمه‌ندبن‌. 

له‌سه‌ره‌تای مه‌راسیمه‌كه‌دا به‌ ده‌قیقه‌یه‌ك راوه‌ستان بۆ گیانی پاكی شه‌هیدانی كوردستان ده‌ستی پێكردو پاشان خاتو كوێستا قادر قایمقامی شاره‌كه‌ وته‌یه‌كی پێشكه‌شكردو تیایدا تیشكی خسته‌ سه‌ر كارو چالاكیه‌ به‌رفراوان و هه‌مه‌لایه‌نه‌كانی ده‌زگای خێرخوازیی بارزانی و ئاماژه‌ی به‌ رۆڵی ئه‌م ده‌زگایه‌ له‌ كه‌رتی په‌روه‌رده‌و خوێندن كردو رایگه‌یاند: سوپاسی ده‌زگای خێرخوازیی بارزانی ده‌كه‌ین و ئومێدی به‌رده‌وامی و سه‌ركه‌وتنیان بۆ ده‌خوازین و رایگه‌یاند: هیوادارین له‌ ئاینده‌شدا پرۆژه‌ی تر له‌شاره‌كه‌دا جێبه‌جێ بكه‌ن. 

هه‌ر له‌ مه‌راسیمی كردنه‌وه‌ی قوتابخانه‌كه‌دا، به‌ڕێز شێخ سه‌عید به‌رێوه‌به‌ری په‌روه‌رده‌ی ره‌واندوز وته‌یه‌كی پێشكه‌شكردو رایگه‌یاند: به‌ناوی په‌روه‌رده‌ی ره‌واندوزو سه‌رجه‌م مامۆستایانی ئه‌م قوتابخانه‌یه‌وه‌ زۆر سوپاس و ده‌ستخۆشی ئاراسته‌ی ده‌زگای خێرخوازیی بارزانی ده‌كه‌ین و دووباره‌ نۆژه‌نكردنه‌وه‌ی قوتابخانه‌ی موژده‌ی بنه‌ڕه‌تی تێكه‌ڵاو، هه‌روه‌ها رایگه‌یاند: ئێستاكه‌ ئه‌ركی مامۆستایان و قوتابیانی خۆشه‌ویسته‌ پاكوخاوێنی ئه‌م قوتابخانه‌یه‌ بپارێزن. 

هه‌ر له‌ مه‌راسیمه‌كه‌دا موسا ئه‌حمه‌د جێگری سه‌رۆكی ده‌زگای خێرخوازیی بارزانی وته‌یه‌كی پێشكه‌شكردو ئاماژه‌ی به‌وه‌دا: خۆشحاڵین ئه‌مڕۆ له‌ ده‌ڤه‌ری ره‌واندو و له‌شوێنێكی پیرۆز كۆبوینه‌ته‌وه‌، خۆمان به‌ به‌خته‌وه‌ر ده‌زانین له‌بواری خزمه‌تگوزارییدا له‌و كه‌لێنانه‌دا كار بكه‌ین كه‌ دروستبوه‌، هاوكات تیشكی خسته‌سه‌ر كارو چالاكیه‌كانی ده‌زگای خێرخوازیی بارزانی و گوتی: جگه‌ له‌ خزمه‌تكردنی ئاواره‌و په‌نابه‌ران له‌ هه‌رێمی كوردستان كه‌ بۆته‌ جێگه‌ی تێڕامان و سه‌رسوڕمانی ریكخراوه‌ جیهانیه‌كان، هه‌روه‌ها له‌سێكته‌ری په‌روه‌رده‌ و خوێندنیش توانیومانه‌ جێپه‌نجه‌مان دیاربێت و رۆڵی خۆمان بگێڕین. هه‌روه‌ها گوتی: ئه‌مساڵ له‌ ده‌ستپێكی پرۆسه‌ی خوێندن به‌هاوكاری خێرومه‌ندان و وڵاتانی هاریكاربه‌خش توانیومانه‌ 29 هه‌زار جانتاو پێداویستی جۆراوجۆری خوێندن دابه‌ش بكه‌ین، كه‌ ئه‌مه‌ش كه‌لێنێكی زۆری قوتابیان و پێویستیه‌كانیان پڕ ده‌كاته‌وه‌. له‌باره‌ی كۆتاییهاتنی پرۆژه‌ی GIZی ئه‌ڵمانی كه‌ به‌هاوبه‌شی له‌گه‌ڵ ده‌زگای خێرخوازیی بارزانی بۆ نۆژه‌نكردنه‌وه‌و ره‌نگڕێژكردنه‌وه‌ی 27 قوتابخانه‌ ئه‌نجامدرابو، موسا ئه‌حمه‌د رایگه‌یاند: به‌م پرۆژه‌یه‌ توانیومانه‌ هه‌لی كار بۆ زیاتر 1200 خانه‌واده‌و كه‌سی كه‌مده‌رامه‌ت به‌ ناوخۆو ئاواره‌و په‌نابه‌ر بڕه‌خسێنین، هه‌وڵیش ده‌ده‌ین خه‌ڵكی ئه‌م ده‌ڤه‌ره‌ به‌ كه‌مده‌رامه‌تان و ئاواره‌و په‌نابه‌ریشه‌وه‌ پشتگوی نه‌خه‌ین و هاوكاری و پێداویستیان پێ بگه‌یه‌نین.





ئەم هەواڵە 5383جار خوێندراوەتەوە
 
 
ڤیدیۆ گەلەری
دوای ئه‌و هێرشه‌ چی روویدا
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
له‌ ئاسمانه‌وه‌ قه‌باره‌ی ئه‌و زیانه‌ی به‌ر موسڵی كۆن كه‌وتووه‌، ببینه‌
له‌ ئاسمانه‌وه‌ وێنه‌ی وێرانه‌ی مزگه‌وتی نوری و مناره‌ی حه‌دبا ببینه‌
مۆبایل سەری لە قوڕێ نا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad