English | عربی | Kurdî دواهەواڵ
ڕاستەوخۆ
 
ڕێجیمی شۆربای توون بۆ کەمکردنی ٥ کیلۆ لە ھەفتەیەکدا
2017-01-04 [09:58 AM]

ZNA - هه‌ولێر


زۆرێک لە خەڵکی دوای وەرزی ھاوین و لە وەرزی پایزدا کێش زیاد دەکەن، ئەمەش دەگەڕێتەوە بۆ ڕێژەی ئەو خۆراکە چەور و گۆشتانەی دەیخۆن لەم وەرزەدا، تا ڕزگارتببێت لە کێشی زیادەت ئەم شۆربایە تاقیبکەرەوە کە بە ھۆیەوە ٥ بۆ ٧ کیلۆ کەمدەکەیت.

پێکھاتەکان:

کەلەرمێکی گەورە

٥ دانە گێزەر

٦ پیازی گەورە

٢ بیبەری توون

قاپێک یان دووان تەماتەی لەڕنە دراو بە پێی ئارەزوو

٣ لیتر ئاو

مەعدەنوس یان کەرەوز

خوێ و بیبەری ڕەش و کاری


چۆنییەتی ئامادەکردن:

ھەموو پێکھاتەکان بخەرە مەنجەڵێک ئاوەوە و شۆربایەکی خەستی لێدروست بکە، سەرەتا مەنجەڵێک ئاو بخەرە سەر ئاگر کەلەرم و گێزەر و پیاز و بیبەرەکەی تێبکە، دوای کەمێک تەماتەکەی تێبکە ئینجا خوێ و بیبەری ڕەش و کاری تێبکە و لە کۆتایشدا مەعدەنوس یان کەرەوزەکەی بۆ زیادبکە.

بڕێکی زۆر لەم شۆربایە ئامادەبکە و ھەڵیبگرە تا بە درێژای ھەفتەیەک ھەموو ژەمێک بیخۆیت.


خشتەی ڕێجیمەکە:

ڕۆژی یەکەم: ھەموو ژەمەکان قاپێک لە شۆربا تونەکە و تەنھا میوە.

ڕۆژی دووەم: ھەموو ژەمەکان قاپێک لە شۆربا تونەکە و تەنھا سەوزە.

ڕۆژی سێھەم: ھەموو ژەمەکان قاپێک لە شۆربا تونەکە، میوە و سەوزە.

ڕۆژی چوارەم: ھەموو ژەمەکان قاپێک لە شۆربا تونەکە، تەنھا مۆزێک و شیر.

ڕۆژی پێنجەم: ھەموو ژەمەکان قاپێک لە شۆربا تونەکە، تەماتە و پارچەیەک گۆشتی سوور.

ڕۆژی شەشەم: ھەموو ژەمەکان قاپێک لە شۆربا تونەکە، پارچەیەک گۆشتی مریشک و سەوزە.

ڕۆژی حەوتەم: ھەموو ژەمەکان قاپێک لە شۆربا تونەکە، تەنھا سەوزە و کەمێک برنج.

دوای ھەفتەیەک دەبێت لە نێوان ٥ بۆ ٧ کیلۆت کەمکردبێت، دڵنیاببەرەوە لەو شتانەی دەیانخۆیت و ئەو ڕۆژانەی نوسراوە سەوزە جگە لە شۆرباکە ھیچی تر مەخۆ سەوزە نەبێت و ئەمە بۆ ھەموو ڕۆژەکانی تریش ڕاستە، ھەوڵبدە وەرزشبکەیت تا باشترین ئەنجامت دەستبکەوێت.

 

 

 

 

لانه‌ ناصح به‌رزنجی





ئەم هەواڵە 3910جار خوێندراوەتەوە
 
 
ڤیدیۆ گەلەری
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad