English | عربی | Kurdî دواهەواڵ
ڕاستەوخۆ
 
بۆ ساڵی ٢٠١٧ گۆڕانکاری لە سیستەمی مووچەدا دەکرێت
2017-01-04 [01:03 AM]

ZNA-هه‌ولێر


سەرۆکی سەنتەری زانیاری و لێکۆڵینەوەی ستراتیژیی کوردستان لە ئەنجومەنی وەزیرانی ھەرێمی کوردستان، ئاماژە بەوە دەکات کە چاوەڕوان دەکرێت داھاتی نەوتیی کوردستان زیاد ببێت و دەڵێت: “بە دڵنیاییەوە گۆڕانکاری لە سیستەمی پاشەکەوتی مووچەی فەرمانبەران دەکرێت".
 
د. ئاراس خۆشناو، سەرۆکی سەنتەری زانیاری و لێکۆڵینەوەی ستراتیژیی کوردستان لە ئەنجومەنی وەزیرانی ھەرێمی کوردستان، ڕاگەیاند: “ڕۆژی (٢\٢\٢٠١٧)، نێچیرڤان بارزانی، سەرۆکی حکوومەتی ھەرێمی کوردستان جەختی لەوە کردەوە کە بە زیادکردنی داھاتی نەوت، گۆڕانکاری لە سیستەمی مووچەدا دەکرێت”.
 
ئەوەشی ڕوون کردەوە: “بۆ ئەمساڵی ٢٠١٧، گۆڕانکاری و دەستکاری لە سیستەمی مووچەی فەرمانبەراندا دەکرێت، بەتایبەت ئەوانەی مووچەیان کەمە، چونکە ھاوکێشەکە وایە کە دوای ساڵێک لە پاشەکەوتی مووچە، پێداچوونەوە بە سیستەمی مووچەدا دەکرێت و لە بەرژەوەندیی فەرمانبەران دەبێت".
 
ئاراس خۆشناو جەختیشی لەوە کردەوە کە ئێستا بەھۆی پێدانەوەی قەرزی کۆمپانیاکان، چاوەڕوانن گۆڕنکاریی ئابووری لە کوردستان ڕووبدات و قەیرانی دارایی کەمتر ببێتەوە. گوتیشی: “چاوەڕوانین بۆ ئەمساڵ، داھاتی نەوت زیاد ببێت”.
 
ئەو قسانەی سەرۆکی سەنتەرەکەی ئەنجومەنی وەزیران لە کاتێکدایە کە پێشتر حەیدەر عەبادی، سەرۆک وەزیرانی عێراق ڕای گەیاندبوو، ھەرێمی کوردستان لەو بڕە نەوتە زیاتر ھەناردە دەکات کە بۆی دیاری کراوە.





ئەم هەواڵە 58096جار خوێندراوەتەوە
 
 
ڤیدیۆ گەلەری
شا سه‌لما به‌ قاوه‌ی عه‌ره‌بی پێشوازی له‌ تره‌مپ ده‌كات
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad