English | عربی | Kurdî دواهەواڵ
ڕاستەوخۆ
 
سی ئین ئین: حەشدی شەعبی لەسەر سنووری سعودیە مانووری سەربازی ئەنجام دەدات
2017-01-05 [04:42 AM]

ZNA - هه‌ولێر


سەرچاوەکانی هەواڵ لە سعودیە ئاماژە بەوە دەکەن کە چەکدارانی حەشدی شەعبیی عێراقی لە نزیک شاری نەخیبی عێراق لە باکوری شاری عەرعەری سعودیە مانووری سەربازی ئەنجام دەدەن و سەرچاوەکانی حەشدیش ئاماژە بەوە دەکەن کە مەبەست لەو مانورانە پاراستنی شاری کەربەلایە لە هاتنەناوەوەی چەکدارانی داعش.

مالپەری "سی ئین ئین"ی عەرەبی ئاماژە بەوە دەکات کە بەپێی هەواڵیکی ماڵپەری سەبەق، عەقید ڕوکن حاتم ئەلفەلاحی ڕایگەیاندووە "ئەو مانورانە ئاماژەی هەبوونی ئێرانن لە عێراقدا و لە هەر کات و ساتێکدا دەتوانن بکەونە ناو سعودیە ئەگەر ویلایەتی فەقی بە گۆنجاو بزانێ"

لەلایەن خۆیەوە حەشدی شەعبی لە بەیاننامەیەکدا ڕایگەیاندووە کە هێزەکانیان لە ئامادەباشیدان بۆ ڕێگریکردن لە هاتنەناوەوەی چەکدارانی داعش بۆ هەردوو پارێزگای نەجەف و کەربەلا لە ڕێگەی بیابانی نەخیبەوە.

ئاشکراشیان کردووە کە هیزەکانی حەشدی شەعبی سەر بە لیوای ١٩ لەگەل چەکدارانی داعش لە ڕۆژئاوای ئەنبار پێکیانداداوە کە دەیانویست بێنە سنووری کەربەلا و نەجەف و تێیدا ٦ چەکداری داعش کوژراون و ژمارەیەکیش برینداربوون.

جێگای ئاماژەپێدانە کە سعودیە ڕەخنەیەکی توند لە هەژموونی ئێران لە عێراق دەگرێت و پێی وایە کە حەشدی شەعبی جگە لە سوننەکانی عێراق جێگای مەترسییە بۆ سەر ئاسایشی سعودیە.





ئەم هەواڵە 7717جار خوێندراوەتەوە
 
 
ڤیدیۆ گەلەری
مۆبایل سەری لە قوڕێ نا
موشه‌كی رووسی له‌ ده‌ریای ناوه‌ڕاسته‌وه‌ ئاراسته‌ی داعش له‌ ته‌دمور ده‌كرێت
شا سه‌لما به‌ قاوه‌ی عه‌ره‌بی پێشوازی له‌ تره‌مپ ده‌كات
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad