English | عربی | Kurdî دواهەواڵ
ڕاستەوخۆ
 
ڕۆژنامەیەکی عەرەبی: مالیکی بۆ وەگرتنی سەرپەرشتیاری حەشدی شەعبی لە تارانە
2017-01-05 [04:48 AM]

ZNA - هه‌ولێر


ڕۆژنامەی عوکازی عەرەبی بڵاویکردەوە کە نووری مالیکی سەرۆک وەزیرانی پێشووی عیراق و جێگری سەرۆککۆماری ئێستای عێراق بە مەبەستی بەردەستکردنی پشتیوانیی ئێران بۆ ئەوەی ببێتە سەرپەرشتی حەشدی شەعبی، سەردانی تارانی کردووە.

سەرچاوەکە ئاماژەی بەوەش داوە کە مالیکی داوای پشتگیری لە محەمەد جەعفەری سەرکردەی سوپای پاسدارانی ئیران کردووە بۆ ئەوەی دوای شەڕی موسڵ ببێت بە سەرکردەی چەکدارانی حەشدی شەعبی.

 جەختی لەوەشکردووە کە ئەو هێزە لەژێر سەرپەرشتی قاسم سولێمانی، فەرماندەی فەیلەقی قودسی سەر بە سوپای پاسداران دەبێت.

ڕۆژنامەکە ئاماژە بەوەش دەکات ئەم هەوڵانەی مالیکی بۆ ئەوەیه‌ دوای شەڕی موسل لەڕێگەی حەشدی شەعبییەوە هێرش بکاتە سەر کورد و تورکمانەکان بۆ ڕێگریکردن لە دابەشکردنی نەینەوا، هەروەها دامەزراندنی سەربازگەکانی حەشدی شەعبی لەناو خاکی سووریادا وەک قوناغی دووەم.

مالیکی داوای پڕچەککردنی چەکدارانی حەشدی شەعبی کردووە و ڕایگەیاندووە کە پڕچەککردنی ئەوان لە تەیارکردنی سوپای عێراق گرنگترە.

جێگای ئاماژە پێدانە چەند ڕۆژێکە نووری مالیکی بە سەردانێک لە تارانی پایتەختی ئێرانە و لە لێدوانە ڕۆژنامەوانیەکانیدا دژایەتیی کورد دەکات و لە دواین لێدوانیدا ڕایگەیاندووە داوا دەکات هێزەکانی پێشمەرگە بۆ سنوورەکانی پێش ٢٠٠٣ بگەڕێنەوە.





ئەم هەواڵە 9277جار خوێندراوەتەوە
 
 
ڤیدیۆ گەلەری
شا سه‌لما به‌ قاوه‌ی عه‌ره‌بی پێشوازی له‌ تره‌مپ ده‌كات
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad