English | عربی | Kurdî دواهەواڵ
ڕاستەوخۆ
 
بزوتنه‌وه‌یه‌ك: رێگه‌ به‌تێپه‌ڕینی هێزی ئه‌مه‌ریكی به‌چیای مه‌كحول ناده‌ین
2017-01-07 [04:24 AM]

ZNA - هه‌ولێر


ئه‌مڕۆ شه‌ممه‌ بزوتنه‌وه‌ی "نوجه‌با" كه‌ یه‌كێكه‌ له‌ گروپه‌كانی حه‌شدی شه‌عبی رایگه‌یاند، رێگه‌ به‌هێزی ئه‌مه‌ریكی ناده‌ین به‌ چیای مه‌كحولی باكور پارێزگای سه‌لاحه‌دین تێپه‌ڕێت، لای خۆیانه‌وه‌ هێزه‌كانی ئه‌مه‌ریكا هۆشداری دا له‌وه‌ی نزیك هێزه‌كانیان بكه‌ون.

له‌ به‌یاننامه‌یه‌كدا بزوتنه‌وه‌ی نوجه‌با وتی، هێزێكی ئه‌مه‌ریكی هه‌وڵی دا له‌ نزیكی هێزه‌كانی بزوتنه‌وه‌كه‌مان له‌ چیای مه‌كحول تێپه‌ڕێت، به‌ڵام رووبه‌روویان بوونه‌وه‌ و رێگریان لێكردن و ده‌ریان كردن.

ئه‌و بزوتنه‌وه‌یه‌ دووپاتی كرده‌وه‌، هیچ هاوكارییه‌ك له‌گه‌ڵ هیچ هێزێكی بیانی ئه‌گه‌ر ئه‌مه‌ریكی یان هه‌ر هێزێكی دیكه‌ بێت، ناكه‌ن، به‌پرسیارییه‌تی هاتنی گروپه‌ تیرۆرسته‌كانیشی خسته‌ ئه‌ستۆی ئه‌مه‌ریكا و هاوپه‌یمانان.

نوجه‌با هۆشداری دایه‌ هێزه‌كانی ئه‌مه‌ریكا، كارێك نه‌كه‌ن له‌ هێزه‌ سه‌ربازییه‌كان نزیك بنه‌وه‌، وتیشی، ئاماده‌یی ته‌واو بۆ رووبه‌رووبوونه‌وه‌ هه‌یه‌.

ئاماژه‌ی به‌وه‌شدا، ئه‌و پرۆسه‌ سه‌ربازیه‌ی ئێستا له‌ موسڵ له‌ ئارادایه‌، ده‌بێت ته‌نها عێراقی بێت، وتیشی، ئه‌مه‌ریكا و هاوپه‌یمانان ده‌یانه‌وێ به‌ربه‌ست له‌به‌رده‌م پێشڕه‌وییه‌كانی هێزه‌ عێراقییه‌كان و حه‌شدی شه‌عبی دروست بكه‌ن، ئه‌مه‌ش به‌روونی دیاره‌ به‌ڵام ویستی عێراقییه‌كان به‌هێزتره‌.

 

سۆمه‌ریه‌نیوز





ئەم هەواڵە 6868جار خوێندراوەتەوە
 
 
ڤیدیۆ گەلەری
ببینه‌ دیوارێك به‌سه‌ر ژماره‌یه‌ك ئۆتۆمبێل دا ده‌ڕوخێت
یه‌كه‌م بووكه‌ڵه‌ پیاسه‌ له‌ شه‌قامه‌كانی ژاپۆن ده‌كات
چه‌كدارانی داعش له‌ رۆژئاوا بۆ رۆژهه‌ڵاتی سوریا به‌ پاس ده‌گوازرێنه‌وه‌
دوای ئه‌و هێرشه‌ چی روویدا
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad