English | عربی | Kurdî دواهەواڵ
ڕاستەوخۆ
 
بەغدا و ئەنقەرە لە سەر چەند خالێك رێكەوتن
2017-01-07 [05:55 AM]

ZNA-ھەولێر


حەیدەر عەبادی، سەرۆكوەزیرانی عێراق و بینالی یڵدرم، سەرۆكوەزیرانی توركیا، رۆژی شەممە 7-1-2017 لە شاری بەغدا كۆبوونەوە و لەسەر 9 خاڵێك رێككەوتن، بەپێی راگەیێندراوی كۆبوونەوەكە، خاڵەكان بریتین لە:

1- هەردوولا جەختیان لەسەر ئەمن و ئاسایش و دژایەتیكردنی تیرۆر و پاراستنی سەروەری و یەكێتی خاكی عێراق كردەوە.

2- سەربازگەی باشیك بنكەیەكی سەربازی عێراقییە.

3- لایەنی عێراقی هەڵوێستی خۆی لەسەر بنكەی ساربازی باشیك دووپاتكردەوە و داوای كرد لایەنی توركیش هەنگاو بۆ كشانەوە و كۆتاییهێنان بەو پرسە بنێت، لەپێناو پاراستن و سەروەری خاكی عێراق.

4- جەخت لەسەر هاوكاری و بازرگانی و ئاوەدانكردنەوەی ئەو ناوچانە كرایەوە كە بەهۆی تیرۆرەوە وێرانبوون، لەو پێناوەشدا سەرجەم رێككەوتنەكانی نێوان هەردوو وڵات چالاك دەكرێنەوە.

5 - هەردوولا رێككەوتن لەسەر هاوكاریكردنی زیاتر لە بەڕێوەبردنی هەردوو رووباری دیجلە و فورات و پڕۆژەكانی دیكەی ئاو.

6 - حكومەتی توركیا دەستخۆشی لە سوپای عێراق دەكات بەرامبەر پێشڕەوییەكانی لە موسڵ.

7- هەردوولا لەسەر ئەوە رێككەوتن هیچ رێكخراوێكی تیرۆریستی نەبێتە هەڕەشە لە خاكی یەكێكیانەوە بۆ سەر ئەوی دیكەیان.

8- هەردوولا لەسەر هاوكاریكردن و ئەنجامدانی كاری هاوبەش لە بوارەكانی رۆشنبیری و گەشتوگوزار و.. هیتد رێككەوتن.

9- هەردوولا لەسەر پلانێكی ستراتیژی رێككەوتن بۆ ئەنجامدانی كار و چالاكی هاوبەش، لەپێناو سەقامیگری ناوچەكە و رێگەگرتن لە دروستبوونی شەڕی تایفی. 





ئەم هەواڵە 7777جار خوێندراوەتەوە
 
 
ڤیدیۆ گەلەری
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad