English | عربی | Kurdî دواهەواڵ
ڕاستەوخۆ
 
بارزانی و بیناڵی یڵدرم له‌ كۆبوونه‌وه‌دان
2017-01-08 [11:56 AM]

ZNA- هه‌ولێڕ


مەسعود بارزانی، سەرۆكی هەرێمی كوردستان و بیناڵی یڵدرم، سەرۆكوەزیرانی توركیا لە كۆبوونەوەدان.  بڕیارە دوای كۆبوونەوەكەش كۆنگرەیەگی رۆژنامەڤانی ساز بكەن.

كاژێر 09:00 ی پێشنیوەڕۆی ئەمڕۆ یەكشەممە، بیناڵی یڵدرم گەیشتە نووسینگەی نێچیرڤان بارزانی، سەرۆكوەزیرانی هەرێمی كوردستان و، بە بەشداری قوباد تاڵەبانی، جێگری سەرۆكوەزیران و ژمارەیەك وەزیری هەردوو حكومەت كۆبوونەوەیەكیان ئەنجامدا.

رۆژی شەممە 7-1-2017، بیناڵی یڵدرم بە سەردانێكی فەرمی گەیشتە بەغدا و لەگەڵ حەیدەر عەبادی، سەرۆكوەزیرانی عێراق، پاشان لەگەڵ فوئاد مەعسووم، سەرۆككۆمار و دواتریش لەگەڵ سەلیم جبووری، سەرۆكی پەرلەمان كۆبووەوە، كاژێر 12:00 ی شەویش گەیشتە هەولێر.

سەردانی سەرۆكوەزیرانی توركیا هەم بۆ بەغدا و هەم بۆ هەولێر بە گرنگ لەقەڵەم دەدرێت و كۆبوونەوەكان بۆ هەردوولا پڕبایەخن، لەبارەی تەوەری كۆبوونەوەكان سەنگەر عەبدولرەحمان، پەیامنێری رووداو باسی لەوە كرد بەشێك لەو 9 خاڵانەی بیناڵی یڵدرم و حەیدەر عەبادی لەسەریان رێككەوتن، پەیوەندییان بە هەرێمی كوردستانەوە هەیە و یڵدرم لەگەڵ بەپرسانی كوردیش تاوتوێیان دەكات.

شەڕی داعش، پەرەپێدانی پەیوەندییە سیاسی و ئابوورییەكان، سەربازگەی باشیك و كشانەوەی هێزەكانی پەكەكە لە شنگال، تەوەری سەرەكی كۆبوونەوەكانی یڵدرم و بەرپرسانی هەرێمی كوردستان دەبن، هەروەها چاوەڕوان دەكرێت بەتایبەت لەبارەی كشانەوەی پەكەكە لە شنگال رێككەوتن بكرێت.





ئەم هەواڵە 2128جار خوێندراوەتەوە
 
 
ڤیدیۆ گەلەری
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
بوێری دەکەیت ئاوا خۆت ھەڵدەیت
چین...تووشی رووداوێكی ترسناك بوو، به‌ڵام رزگاری بوو
ئەرجەنتین..بۆ تۆماركردنی ریكۆردێك، 2000 كەس لەسەر ئاو پاڵكەوتوون
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad