English | عربی | Kurdî دواهەواڵ
ڕاستەوخۆ  
 
هەڵمەتێكی بەرەنگاربوونەوەی به‌شوودانی پێشوەختە رادەگەیێندرێت
2017-01-09 [10:33 AM]

ZNA - هه‌ولێر


لە باشووری کوردستان ئەنجومەنی باڵای خانمان و رێکخراوی UNFPA، بە ھاوکاری ھەریەکە لە وەزارەتەکانی تەندروستی، کار و کاروباری کۆمەڵایەتی و ئەوقاف ھەڵمەتێکی بەرەنگاربوونەوەی بەشوودانی پیشوەختە لە کوردستان رادەگەیێنن. 

عماد مەعروف، بەڕێوەبەری راگەیاندنی وەزارەتی تەندروستی رایدەگەیێنێت ھەڵمەتی بەرەنگاربوونەوەی بەشوودانی پێشوەختە لە باشووری کوردستان بۆماوەی ٣ مانگ بەردەوام دەبێت، ھەریەکە لە وەزارەتەکانی ئەوقاف لەلایەنی ئاینی، وەزارەتی کار و کاروباری کۆمەڵایەتی لە ڕووە کۆمەڵایەتییەکەیەوە و وەزارەتی تەندروستیش لەرووی تەندروستییەوە چەند چالاکییەک ئەنجامدەدات.

عماد مەعروف دەڵێت وەزارەتی تەندروستی لەماوەی ھەڵمەتەکەدا وۆرکشۆپی تایبەت بۆ کارمەندانی تەندروستی ئەنجامدەدات و لەرێگەیەوە خانمان لە کاریگەرییە لاوەکییەکانی بەشوودانی پێشوەختە دەخاتەڕوو. 

بەڕێوەبەری راگەیاندنی وەزارەتی تەندروستی دەڵێت بەشوودانی پێشوەختەی کچان چەندین کاریگەری لاوەکی لەسەر دایک و کۆرپەکەیشی لە داھاتوو ھەیە، چونکە دەبێتەھۆی خەمۆکی دایک و تووشبوونی کۆرپەی دایکانی بچووک بە نەخۆشییە دەروونییەکان لەداھاتوو.

ھەروەک ئاشکرایدەکات مەترسی مردنی خانمانی دووگیان لە خوار تەمەنی ١٨ ساڵی زۆر زیاترە لە ئەوانەی گەورەترن. 

 

 

 

 

لانه‌ ناصح به‌رزنجی





ئەم هەواڵە 9100جار خوێندراوەتەوە
 
 
ڤیدیۆ گەلەری
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad