English | عربی | Kurdî دواهەواڵ
ڕاستەوخۆ
 
به‌شار ئه‌سه‌د: ئاماده‌ین گفتوگۆ له‌سه‌ر هه‌مووشتێك بكه‌ین
2017-01-09 [11:33 AM]

ZNA- هه‌ولێر


بەشار ئەسەدی سەرۆكی سوریا ئامادەیی حكومەتی وڵاتەكەی نیشاندا بۆ "گفتوگۆكردن لەسەر هەموو شتێك" ئەوەش بۆ چارەسەری قەیرانی سیاسی‌و ئەمنی وڵاتەكەی.

بەشار ئەسەد لەمیانی چاوپێكەوتنێك، كە كەناڵی سكای نیوزی عەرەبی بەشێكی بڵاویكردووەتەوە، رایگەیاند "ئامادەیە لەگفتوگۆكانی ئەستانە لەداهاتوو گفتوگۆ لەسەر هەموو شتێك بكات بۆ شارەسەری كێشەكانی سوریا".

سەرۆكی سوریا راشیگەیاند، "من ئامادەم گفتوگۆ لەسەر پۆستەكەم بكەم لەگەڵ لایەنی ئۆپۆزسیۆنی سوری، بەڵام ئەو پرسە پەیوەندی بەدەستووری سوریاوە هەیەو ئەگەر كارێكی وەها بكرێت، دەبێت دەستكاری دەستوور بكرێت".

ئەم قسانەی ئەسەد لەكاتێكدایە، مانگی رابردوو بەدەستپێشخەری روسیاو توركیا ئاگربەست لەنێوان حكومەتی سوریاو ئۆپۆزسیۆنی ئەو وڵاتە راگەیەنراو بڕیارە لەماوەی داهاتوو لەئەستانەی پایتەختی كازاخستان هەردوولا بەنێوەنگیری ئەو دوو وڵاتە گفتوگۆ بۆ چارەسەری كێشەكان بكەن.

بەقسەی ئەسەد، ئەوان تائێستا وادەی دەستپێكردنی گفتوگۆكانی ئەستانە نازانن‌و ناشزانن كێ‌ نوێنەرایەتی ئۆپۆزسیۆنی سوری دەكات، كە لایەنی ئۆپۆزسیۆنیشی بەپێشیڵكردنی ئاگربەست لەسوریا تومەتباركرد.

لەساڵی 2011وە گەلانی سوریا دەستیان بەشۆڕش دژی رژێمی بەشار ئەسەد كردووەو بەو هۆیەشەوە ماوەی چەند ساڵێكە كێشەو ئاڵۆزی ئەمنی لەو وڵاتە سەریهەڵداوەو چەند جارێكیش هەوڵی چارەسەری كێشەكان دراوە.
 





ئەم هەواڵە 1915جار خوێندراوەتەوە
 
 
ڤیدیۆ گەلەری
دوای ئه‌و هێرشه‌ چی روویدا
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
له‌ ئاسمانه‌وه‌ قه‌باره‌ی ئه‌و زیانه‌ی به‌ر موسڵی كۆن كه‌وتووه‌، ببینه‌
له‌ ئاسمانه‌وه‌ وێنه‌ی وێرانه‌ی مزگه‌وتی نوری و مناره‌ی حه‌دبا ببینه‌
مۆبایل سەری لە قوڕێ نا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad