English | عربی | Kurdî دواهەواڵ
ڕاستەوخۆ
 
ئۆباما باس له‌ قورسترین بڕیاری خۆی ده‌كات له‌ ماوه‌ی سه‌رۆكایه‌تیه‌كه‌ی
2017-01-09 [12:09 PM]

ZNA- هه‌ولێر


باراك ئۆباما سه‌رۆكی ویلایه‌ته‌ یه‌كگرتووه‌كانی ئه‌مریكا، ده‌رباره‌ی قورسترین بڕیاری ماوه‌ی سه‌رۆكایه‌تییه‌كه‌ی ده‌ڵێت‌" له‌و كاته‌ی له‌ هه‌ڵمه‌تی هه‌ڵبژاردن و بانگه‌شه‌كانی هه‌ڵبژاردن، دژی بڵاوكردنه‌وه‌ی هێزه‌ سه‌ربازییه‌كانی ئه‌مریكا له‌ ناوچه‌ جیاجیاكانی جیهان قسه‌مده‌كرد، قورسترین بڕیاری ماوه‌ی ئه‌و 8 ساڵه‌ی سه‌رۆكایه‌تییه‌كه‌م، بڕیاری ناردنی 30 هه‌زار سه‌ربازی دیكه‌ی ئه‌مریكا بووه‌ بۆ ئه‌فغانستان له‌ ساڵی 2010 دا".

رۆژی یه‌كشه‌ممه‌ له‌ میانی دیدارێكدا له‌گه‌ڵ كه‌ناڵی (ABC) ئه‌مریكی، گوتوویه‌تی" قورسترین بڕیارم له‌ سه‌ره‌تاكانی سه‌رۆكایه‌تیمدا ده‌ركردووه‌، ئه‌و كاته‌ی فه‌رمانی ناردنی 30 هه‌زار سه‌ربازی دیكه‌ی ئه‌مریكام بۆ ئه‌فغانستان ده‌ركرد، چونكه‌ من له‌ هه‌ڵمه‌ته‌كانی هه‌ڵبژاردن پێچه‌وانه‌ی ئه‌و فه‌رمانه‌ بانگه‌شه‌م ده‌كرد".

ئۆباما هه‌روه‌ها گوتوویه‌تی" به‌ڵام ئیستا پیموایه‌ بریارێكی درووستمداوه‌، چونكه‌ پێش وه‌رگرتنی پۆسته‌كه‌م، تالیبان له‌ فراوانبووندا بووه‌، ئه‌وه‌ش بۆ ئه‌‌وه‌ ده‌گه‌ڕێته‌وه‌، پێشتر دۆخی ئه‌فغانستان به‌ بایه‌خه‌وه‌ وه‌رنه‌گیرابوو".

 ده‌رباره‌ی بڵاوكردنه‌وه‌ی هێزه‌كانی ئه‌مریكا له‌ عێراق و ئه‌فغانستان، باراك ئۆباما هه‌ست به‌ بێ هیوایی ده‌كات و ده‌ڵێت" بی هیوابووم، به‌ڵام زانیم له‌ شه‌ڕی تیرۆردا هه‌میشه‌ سه‌ركه‌وتن به‌شت نابێت و سه‌ركه‌وتنی كۆتایی و به‌رده‌وام نییه‌، وه‌ك ئه‌و‌ شه‌ڕانه‌ی به‌ سه‌ر وڵاتاندا ده‌توانیت سه‌ربكه‌ویت".

ئۆباما هه‌روه‌ها گوتوویه‌تی" ته‌نانه‌ت پاش لێدانی به‌شی گه‌وره‌ی قاعیده‌ له‌ ناوچه‌ هۆزنشینه‌كانی پاكستان و دوای كوشتنی بن لادن، تا ئێستاش كه‌سانێك هه‌ن ده‌یانه‌وێت و له‌ تواناشیاندایه‌ له‌ ویلایه‌ته‌ یه‌كگرتووه‌كانی ئه‌مریكا بده‌ن، ئه‌گه‌ر به‌رامبه‌ریان ده‌سته‌پاچه‌ بین".

ئۆباما ده‌رباره‌ی تێكچوونی ره‌وشی عێراق و ئه‌فغانستان گوتوویه‌تی" ره‌وشه‌كه‌ وایده‌خواست سه‌ربازی ئه‌مریكا له‌و دوو وڵاته‌ هه‌بن".

ئێستا له‌ عێراق زیاتر له‌ 5000 سه‌رباز و راوێژكاری ئه‌مریكی بوونیان هه‌یه‌ و له‌ ئه‌فغانستانیش ژماره‌ی سه‌ربازانی ئه‌و وڵاته‌ 8400 سه‌ربازن و رۆژی 20 ی ئه‌م مانگه‌ش باراك ئۆباما دوای هه‌شت ساڵ له‌ سه‌رۆكایه‌تی ئه‌مریكا، ماڵئاوایی له‌ پۆست و ده‌سه‌ڵاته‌كانی ده‌كا‌ت و ده‌سه‌ڵات ده‌كه‌وێته‌ ده‌ست دۆناڵد تره‌مپ به‌ربژێری براوه‌ی هه‌ڵبژاردنی سه‌رۆكایه‌تی ئه‌مریكا كه‌ سه‌ر به‌ كۆمارییه‌كانه‌.





ئەم هەواڵە 2224جار خوێندراوەتەوە
 
 
ڤیدیۆ گەلەری
دوای ئه‌و هێرشه‌ چی روویدا
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
له‌ ئاسمانه‌وه‌ قه‌باره‌ی ئه‌و زیانه‌ی به‌ر موسڵی كۆن كه‌وتووه‌، ببینه‌
له‌ ئاسمانه‌وه‌ وێنه‌ی وێرانه‌ی مزگه‌وتی نوری و مناره‌ی حه‌دبا ببینه‌
مۆبایل سەری لە قوڕێ نا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad