English | عربی | Kurdî دواهەواڵ
ڕاستەوخۆ
 
شاندی پارتی و یەكێتی بارودۆخی ھەرێمی كوردستان تاوتوێ دەكەن
2017-01-10 [11:51 AM]

ZNA- هه‌ولێر


بڕیارە سبەی ھەردوو مەكتەبی سیاسی پارتی دیموكراتی كوردستان و یەكێتی نیشتمانی كوردستان لە ھەولێر كۆببنەوە.

سەرچاوەیەكی ئاگادار رایگەیاند: "سبەی مەكتەبی سیاسی پارتی و یەكێتی لە ھەولێر لەبارەی دوایین گۆڕانكارییە سیاسییەكان و پەیوەندی نێوان ھەردوولا و چارەسەركردنی كێشەناوخۆییەكانی ھەرێمی كوردستان كۆدەبنەوە".

بە گوێرەی زانیارییەكان، نێچیرڤان بارزانی جێگری سەرۆكی پارتی دیموكراتی كوردستان سەرۆكایەتی شاندی پارتی دەكات، ھەروەھا شاندی یەكێتی لەلایەن مەلا بەختیار لێپرسراوی دەستەی كارگێڕی مەكتەبی سیاسی یەكێتی نیشتمانی كوردستان سەرۆكایەتی دەكرێت.

ئەمە لە كاتێكدایە دوێنی مەكتەبی سیاسی پارتی دیموكراتی كوردستان بە مەبەستی دەستپێكردنی گەڕی دووەمی كۆبوونەوەكان كۆبووەوە.

لە 20/11/2016، مەسعوود بارزانی سەرۆکی ھەرێمی کوردستان لە پەیامێکیدا بۆ لایەنە سیاسییەکانی باشووری کوردستان، داوای کرد لایەنە سیاسییەکان بۆ چارەسەرکردنی کێشەناوخۆییەکانی گفتوگۆ بکەن، بارزانی داواشیکرد گفتوگۆ لەبارەی گۆڕانکاری لە سەرۆکایەتی ھەرێمی کوردستان و پەرلەمانی و حکوومەت بکرێت.

دوای پەیامەکەی بارزانی، پارتی دیموکراتی کوردستان وەک دەستپێشخەری شاندێکی بۆ گفتوگۆ کردن لەگەڵ لایەنە سیاسییەکان پێکھێنا و گەرێکی دیکەی کۆبوونەوەی لەگەڵ حزبەکان ئەنجامدا.





ئەم هەواڵە 4210جار خوێندراوەتەوە
 
 
ڤیدیۆ گەلەری
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
بوێری دەکەیت ئاوا خۆت ھەڵدەیت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad