English | عربی | Kurdî دواهەواڵ
ڕاستەوخۆ  
 
جۆن دۆریان: به‌ زیاتر له‌ پێنج هه‌زار بۆمب هێرشیان كردووه‌ته‌ سه‌ر داعش
2017-01-10 [12:44 PM]

ZNA- هه‌ولێر


جۆن دۆریان وته‌بێژی‌ هاوپه‌یمانی‌ نێوده‌وڵه‌تی‌ دژی‌ داعش رایگه‌یاند، به‌رده‌وامن له‌ پشتیوانیكردنی‌ هێزه‌ عیراقییه‌كان له‌قۆناغی‌ دووه‌می‌ شه‌ڕی‌ موسڵداو تائێستا به‌ زیاتر له‌ پێنج هه‌زار بۆمب هێرشیان كردووه‌ته‌ سه‌ر داعش و گومانیان له‌وه‌ نییه‌ كه‌ ئه‌و رێكخراوه‌ تێكده‌شكێت.

ئه‌و وتانه‌ی‌ وته‌بێژی‌ هاوپه‌یمانان له‌میانه‌ی‌ كۆنگره‌یه‌كی‌ رۆژنامه‌وانی‌ هاوبه‌شدا هات له‌گه‌ڵ شانه‌ی‌ راگه‌یاندنی‌ جه‌نگی‌ عیراق و پێشمه‌رگه‌ كه‌ ئه‌مڕۆ له‌هه‌ولێر به‌ڕێوه‌چوو.

جۆن دۆریان وتی‌ "پێشكه‌وتنه‌كانی‌ قۆناغی‌ دووه‌می‌ شه‌ڕی‌ موسڵ به‌هۆی‌ هه‌ماهه‌نگی‌ نێوان هێزه‌ عیراقییه‌كان و هاوپه‌یمانان و حكومه‌تی‌ هه‌رێم و به‌غدایه‌".

وتیشی‌ "تائێستا به‌ زیاتر له‌ پێنج هه‌زار بۆمب هێرشمان كردووه‌ته‌ سه‌ر داعش و به‌رده‌وامین له‌ پشتیوانیكردنی‌ هێزه‌ عیراقییه‌كان".

هێزه‌ ئه‌منییه‌كانی عێراق ڕۆژی 29ی‌ مانگی‌ 12ی‌ ساڵی‌ ڕابردوو، له‌ چه‌ند گه‌ڕه‌كێكی بەشی چەپی باشووری ڕۆژهه‌ڵاتی موسڵه‌وه‌ قۆناغی‌ دووه‌می‌ ئۆپه‌راسیۆنی‌ كۆنتڕۆڵكردنه‌وه‌ی‌ شاره‌كه‌یان له‌ ژێر ده‌ستی‌ داعش ده‌ستپێكردو له‌ئیستادا گه‌یشتونه‌ته‌ سه‌ر روباری‌ دیجله‌ كه‌ شاره‌كه‌ ده‌كات به‌ دووبه‌شه‌وه‌.

وته‌بێژی‌ هاوپه‌یمانان جه‌ختیكرده‌وه‌، به‌ره‌و پێشچونه‌كان له‌موسڵ به‌رده‌وامه‌ و "داعش درۆ له‌گه‌ڵ خه‌ڵكی‌ موسڵ ده‌كات و پێیان ده‌ڵێت كه‌ ئه‌وان ده‌یان پارێزن و هێزه‌ عیراقییه‌كان ده‌یان كوژن، به‌ڵام خه‌ڵكی‌ موسڵ ئێستا به‌چاوی‌ خۆیان ده‌بینن كه‌ بانگه‌شه‌یه‌كی‌ داعش درۆی‌ گه‌وره‌ بوون".





ئەم هەواڵە 7723جار خوێندراوەتەوە
 
 
ڤیدیۆ گەلەری
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
شەڕە قۆچ لەگەڵ ئۆتۆمبێل دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad