English | عربی | Kurdî دواهەواڵ
ڕاستەوخۆ  
 
تەرمی هاشمی رەفسەنجانی لە تەنیشت ئایەتووڵڵا خومەینی بە خاک ئەسپێردرا
2017-01-10 [01:37 AM]

ZNA – هەولێر


دوای ئەوەی رێبەری کۆماری ئیسلامیی ئێران، ئایەتوڵڵا خامنەیی نوێژی مردووی لەسەر تەرمی هاشمی رەفسەنجانی خوێند، ئەمڕۆ سێشەممە تەرمەکەی لە تەنیشت گۆڕی ئایەتووڵڵا خومەینیی دامەزرێنەری کۆماری ئیسلامیی ئێران بە خاک ئەسپێردرا.

 

ئاژانسی هەواڵی ئیرنا، رایگەیاند: بە هۆی بەشداریکردنی خەڵکێکی زۆر لە مەراسیمی ناشتنی ئایەتوڵڵا هاشمی رەفسەنجانی، تۆڕی تەلەفۆنی موبایلی تاران کێشەی تێکەوت.

هاوکات کەناڵی هەواڵی تەلەفزیۆنی ئێران کۆمەڵێک خەڵکی پێشاندا کە لە ئارامەگەی ئایەتوڵڵا خومەینی چاوەڕوانی گەیشتنی تەرمی رەفسەنجانی بوون.

ئەو گرتە ڤیدیۆییانەی لە تۆڕە کۆمەڵایەتییەکاندا لەم مەراسیمەوە بڵاو کراونەتەوە، پێشاندەدن کۆمەڵێکی بەچاوی بەشدار بووان بە لایەنگریکردن لە میرحسێن مووسەوی و مەهدی کەڕوبی و محەمەد خاتەمی دروشم دەدەن.

میرحسێن مووسەوی مەهدی کەڕووبی دوو بەربژێری هەڵبژاردنەکانی خولی دەیەمی سەرۆک‌کۆماری ئێرانن کە بە تۆمەتی رازی نەبوون بە ئەنجامی ئەو هەڵبژاردنانە ماوەی چوار ساڵە لە تاران دەستبەسەرن.

محەمەد خاتەمی سەرۆک‌کۆماری پێشووتری ئێرانیش کە بە ریفۆرمخواز ناوی دەرکردووە، بە تۆمەتی لایەنگری کردن لەمووسەوی و کەڕووبی، ئیزن نادرێت وێنەی لە تەلەفزیۆن و رۆژنامەکانی ئێراندا بڵاوبکرێتەوە.

عەلی ئەکبەر هاشمی رەفسەنجانی کە بۆ دووخول سەرۆک‌کۆمار و سەرکی پەرلەمان و وتارخوینی نوێژی هەیینی تاران و لە دامەزرێنەرانی کۆماری ئسیلامی بووم، کاتی مردنی لە تەمەنی ٨٢ساڵیدا سەرۆکی ئەنجومەنی دیاریکردنی بەژەوەندییەکانی کۆماری ئیسلامی بوو.

سەرچاوە فەرمییەکانی ئێران، رایانگەیاند: هاشمی رەفسەنجانی رۆژی یەکشەممەی رابردوو بەهۆی وەستانی دڵ لە نەخۆشخانەی "تەجرییش"ی تاران کۆچی دوایی کرد ق بەم بۆنەیەوە لە ئێران بۆماوەی سێ رۆژی ئازیەت‌باری و ئەمڕۆ سێشەممەش پشوودان راگەیاندرا.  

 

 

 

 

 





ئەم هەواڵە 2224جار خوێندراوەتەوە
 
 
ڤیدیۆ گەلەری
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
شەڕە قۆچ لەگەڵ ئۆتۆمبێل دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad