English | عربی | Kurdî دواهەواڵ
ڕاستەوخۆ
 
ترامپ كه‌سێكی نزیكی خۆیی ده‌كاته‌ گه‌وره‌ راوێژكاری كۆشكی سپی
2017-01-10 [06:15 AM]

ZNA- هەولێر


دۆناڵد ترامپ، 45ه‌مین سه‌رۆكی هه‌ڵبژێردراوی ئه‌مه‌ریكا، جارید كوشنه‌ری زاوای به‌ گه‌وره‌ راوێژكاری كۆشكی سپی ده‌ستنیشانكرد.

كوشنه‌ر، ته‌مه‌ن 35 ساڵ، هاوسه‌ری ئیڤانكای كچه‌ گه‌وره‌ی ترامپه‌ و رۆڵێكی گه‌وره‌ی له‌ هه‌ڵمه‌تی هه‌ڵبژاردنی سه‌رۆكایه‌تی ترامپدا هه‌بوو.

زاواكه‌ی ترامپ كۆمپانیای وه‌به‌رهێنان و په‌ره‌پێدانی كه‌رتی خانووبه‌ره‌ و چه‌ند كۆمپانیایه‌كی دیكه‌ی بازرگانی هه‌یه‌ و ئه‌ركه نوێیه‌كه‌ی له‌ كۆشكی سپی، په‌یوه‌ندی سیاسه‌تی ده‌ره‌وه‌ و ناوه‌وه‌ی ئه‌مه‌ریكا هه‌یه‌.

ده‌ستنیشانكردنی كوشنه‌ر بۆ ئه‌و پۆسته‌ باڵایه‌، مشتومڕی زۆری لێكه‌وتووه‌ته‌وه‌، به‌هۆی ئه‌وه‌ی ده‌ستنیشانكردنی كه‌سی نزیك له‌ پۆستێكی وا باڵادا، ره‌نگه‌ ببێته‌ هۆی سه‌رهه‌ڵدانی ململانێ له‌ داهاتوو.

ترامپ، له‌ باره‌ی جاریدی زاوایدا ده‌ڵێت: "جارید كه‌سێكی گه‌وره‌ی پشتپێبه‌ستراو و راوێژكارێكی متمانه‌پێكراوه‌ له‌ ته‌واوی ماوه‌ی هه‌ڵمه‌تی هه‌ڵبژاردندا و شانازی به‌وه‌ش ده‌كه‌م رۆڵی سه‌ركردایه‌تییه‌كی دیار ده‌بینێت له‌ ئیداره‌كه‌م".

هه‌رچه‌نده‌ له‌ رووی یاساییه‌وه‌ نابێت به‌رپرسان پله‌ و پۆست بده‌نه‌ كه‌سانی نزیكی خۆیان له‌ كۆشكی، هاوكات رێگه‌پێدراویش نییه‌ هیچ یه‌كێك له‌ به‌رپرسانی كۆشكی سپی، كۆمپانیای بازرگانی هه‌بێت.

تۆڕی ته‌له‌ڤزیۆنی ئێن بی سی، له‌ زاری پارێزه‌ری كوشنه‌ر، بڵاویكردووه‌ته‌وه‌، كوشنه‌ر پابه‌نده‌ به‌ ته‌واوی رێسا و یاسا ئه‌خلاقییه‌ فیدرالییه‌كان، بۆ ئه‌و مه‌به‌سته‌ش سه‌رقاڵی راوێژكردنن به‌ نووسینگه‌یه‌كی تایبه‌تی حكوومی، بۆ ئه‌وه‌ی رێكاره‌ پێویسته‌كان بۆ ده‌ستبه‌كاربوونی كوشنه‌ر، بگرنه‌به‌ر".

دۆناڵد ترامپ، كاندیدی كۆمارییه‌كانی ئه‌مه‌ریكا بوو و توانی له‌ هه‌ڵبژاردنی تشرینی دووه‌م/ نۆڤه‌مبه‌ری 2016 سه‌ركه‌وتن به‌ده‌ستبهێنێت و بڕیاری دوای 10 رۆژی دیكه‌ و 20ی كانوونی دووه‌م/ یه‌نایه‌ری 2017، به‌ فه‌رمی بچێته‌ كۆشكی سپی و ته‌واوی ده‌سه‌ڵاته‌كانی سه‌رۆكی ئه‌مه‌ریكای راده‌ستبكرێت.





ئەم هەواڵە 2269جار خوێندراوەتەوە
 
 
ڤیدیۆ گەلەری
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad