English | عربی | Kurdî دواهەواڵ
ڕاستەوخۆ
 
کەنعان خەیلانی: پرۆژەی پاشەکەوتی مووچەی فەرمانبەران لە قازانجی حکومەت و فەرمانبەردایە
2017-01-10 [07:12 AM]

ZNA- هەولێر


 

سەرۆکی لیستی پارتیی دیموکراتی کوردستان لەئەنجومەنی پارێزگای ھەولێر گوتی، بە نووسراوی فەرمی پرۆژەی پاشەکەوتی مووچەی فەرمانبەرانیان ئاراستەی حکومەت کردووە و چاوەرێی وەڵامی ئەوان دەکەن و ھەموو پارێزگاکانیش پشتگیری لەو پرۆژەیه دەکەن، چونکە ئەو پرۆژە لە قازانجی حکومەت و فەرمانبەران دایە.

 

سەرۆکی لیستی پارتی دیموکراتی کوردستان لە ئەنجومەنی پارێزگای ھەولێر "کەنعان خەیلانی" بە ئاژانسی ھەواڵی زاگرۆسی راگەیاند: "کۆبوونەوەی ئەمڕۆ ئەنجومەنەکانی پارێزگاکانی ھەرێمی کوردستان بۆ ئەوە بوو پارێزگاکانی دیکە دەستخۆشی لە ئێمە بکەن بۆ پەسەندکردنی ئەو پرۆژەی لەبارەی پاشەکەوتی مووچەی فەرمانبەران و ھەموو ئەنجومەنەکان پشتگیری خۆیان بۆ ئەو پرۆژەیە دووپات کردەوە."

 

کەنعان خەیلانی گوتی: تەوەرێکی دیکەی کۆبوونەوە بۆ ئەوەبوو بە وردی لە پرژەکە بگەن و بزانن وردەکاریەکانی پرۆژەکە چین و لەو کۆبوونەوەیە بە وردی باسی پرۆژەکە کرا کە لە ١٠خاڵ پێکھاتووە ھەر ھەمووی خوێندرایەوە و ئەوەی تێبینی لەسەر ھەبوو روونکردنەوەی لەبارەوە درا.

 

خەیلانی ڕوونیشی کردەوە: ئێمە بە نووسراوێکی فەرمی پرۆژەکەمان ئاراستەی ئەنجومەنی وەزیران کردووە و ئەوانیش تاوتوێی پرۆژەکە دەکەن و دواتر دیار دەبێت کە رازین بە پرۆژەکە یاخود نا، چونکە جێ‌بەجێکردنی لەدەسەڵاتی ئەواندایە، کە ئەوانیش تا چەند توانای ئەوەیان ھەیە جێ‌بەجێی بکەن.

 

وتیشی: پەسەند کردنی ئەو پرۆژە یاسایەش لەسەر ئەو بنەمایە بووە کە ئێمە دەسەڵاتمان ھەیە ھەر پرۆژەیەک سوود بە ھاوڵاتیان بگەینێت پێشکەشی حکومەتی بکەین بۆ ئەوەی جێ‌بەجێی بکات.

 

باسی لەوەشکرد: لەئێستادا دەتواندرێت رەسیدی ھەر فەرمانبەرێک دیاری بکرێت دواتر ئەو قەرزەی حکومەت لای ھاوڵاتی ھەیە وەکو سلفەکان و قەرزەکانی دیکە دەتواندرێت لەو رەسیدەی فەرمانبەر بدرێتەوە ئەوکات ھەم حکومەت و ھەم فەرمانبەریش لێی سوودمەند دەبن، کە پێشبینی دەکرێت ئەمساڵ دۆخی ئابووری ھەرێم باشتر بێت و پرۆژەکە جێ‌بەجێ بکرێت.

 

ھاوکار شوان





ئەم هەواڵە 6256جار خوێندراوەتەوە
 
 
ڤیدیۆ گەلەری
سه‌یر بكه‌ دۆناڵد ترامپ له‌ زۆرانبازیدا چ لێدانێك ده‌خوات
هندستان...سه‌رتاشێك ئاگر بۆ سه‌رتاشین به‌كار ده‌هێنێت
گورگه‌كان وایان زانی نێچیرێكی ئاسانه‌، به‌ڵام له‌به‌رده‌م گامێشه‌كان هه‌ڵاتن
شه‌مه‌نده‌فه‌رێك له‌ دوو ئوتۆمبێل ده‌دات
ئه‌ندونیسیا... له‌دوا ساتدا هه‌ردوو منداڵه‌كه‌ی رزگار ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad