English | عربی | Kurdî دواهەواڵ
ڕاستەوخۆ  
 
لەباکووری کوردستان ھێرش دەکرێتە سەر پۆلیس
2017-01-11 [09:40 AM]

​ZNA - ھەولێر


لە ماوەی چەند کاتژمێریکدا دوو جار ھێرش دەکرێتە سەر پۆلیس و ھێزە ئەمنییەکانی تورکیا لە شاری دیلۆکی باکووری کوردستان.

میدیاکانی تورکیا بڵاویان کردەوە شەوی سێشەممە سێ چەکدار تەقەیان لە ئۆتۆمبێلێکی پۆلیس کرد و لە ئەنجامدا شەڕ و پێکدادان روویدا و چەکدارێک دەستگیر کرا و دووی دیکەشی رایانکرد و پۆلیسێکیش لەو شەڕەدا بریندار بوو.

ھەر دوو چەکدارەکەی دیکە بە ئۆتۆمبێل لە ناو شەقامەکانی شارەکە توانیویان خۆیان لە دەست پۆلیس رزگار بکەن کە بە ئۆتۆمبێل بە دوایان کەوتبوون.

رووداوەکەی شەوی رابردووی دیلۆک پاش ئەوەی دێت ئێوارەی دوێنی دوو چەکدار ھێرشیان کردە سەر بەڕێوەبەرایەتی ئەمنی و  ھەوڵیاندا بچنە ژوورەوە، بەڵام لە خاڵێکی پشکنین بە دووری ٥٠ مەترلە  بیناکە، شەڕ و پێکدادان لە نێوان پۆلیسی بەردەم بارەگاکە و چەکدارەکان روویدا و لە ئەنجامدا چەکدارێک  کوژرا و ئەوەی دیکەشی رایکرد و پۆلیسێکیش بریندار بوو.

ھەر پاش ھەردوو ھێرشەکە ھێزێکی زۆری ئەمنی و پۆلیس لەناو شار بڵاوەیان پێکرا و تا ئیستا ھیچ لایەنێک بەرپرسیارێتی ئەو دوو ھێرشەی لە ئەستۆ نەگرتووە و پۆلیس و ھێزە ئەمنییەکانیش ھیچ لێدوانێکیان لەمبارەوە نەداوە کە دوو چەکدار دەستگیر کراون.

 





ئەم هەواڵە 2149جار خوێندراوەتەوە
 
 
ڤیدیۆ گەلەری
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
خەونی ھەمو ئافرەتێک , کەسێکی ئاوای ھەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad