English | عربی | Kurdî دواهەواڵ
ڕاستەوخۆ
 
له‌ كاتی سێكسكردن ئه‌م چوار كرداره‌ ئه‌نجام مه‌ده‌
2017-01-11 [12:39 PM]

ZNA- هه‌ولێر


سێكسكردن یه‌كێكه‌ له‌و چالاكییانه‌ی‌ مه‌ترسییه‌كی‌ زۆری‌ هه‌یه‌ و گه‌ر به‌شێوه‌یه‌كی‌ ته‌ندروست ئه‌نجام نه‌درێت ره‌نگه‌ ببێته‌ هۆی‌ نه‌خۆشی‌ و چه‌ندین كێشه‌ دروست بكات.

زۆر كه‌س گرفتاری‌ كێشه‌كانی‌ سێكسكردن بووه‌ته‌وه‌، چونكه‌ زانیارییان ده‌رباره‌ی‌ قه‌ده‌غه‌كراوه‌كان نه‌بووه‌ و به‌بێ‌ هۆشیاری‌ سێكسی‌ و پلاندانان بۆ خۆپاراستن كاره‌كه‌یان ئه‌نجام داوه‌.

بۆ خۆپاراستن و پارێزگاری‌ ئه‌م رێنماییانه‌ جێبه‌جێ‌ بكه‌:

1-مه‌ترسییه‌كانی‌ نه‌خۆشییه‌ گوازراوه‌كان له‌ڕێی‌ سێكسه‌وه‌ به‌كه‌م مه‌زانه‌.
دكتۆره‌ لیا میلیهیسیر كه‌ خاوه‌نی‌ بڕوانامه‌ی‌ دكتۆرایه‌ له‌ بواری‌ پزیشكی‌ ژنان و مامۆستای‌ یاریده‌ده‌ره‌ له‌ كۆلیژی‌ پزیشكی‌ زانكۆی‌ ستانفۆرد، ده‌ڵێت: "هێنده‌ به‌س نییه‌ كه‌ پرسیار بكه‌یت ده‌رباره‌ی‌ ئه‌وه‌ی‌ ئه‌و كه‌سه‌ی‌ سێكسی‌ له‌گه‌ڵ‌ ده‌كه‌یت نه‌خۆشی‌ سێكسی‌ هه‌یه‌ یان نا و باشتره‌ (كۆندۆم) به‌كاربهێنیت، چونكه‌ به‌كارنه‌هێنانی‌ ده‌تخاته‌ خانه‌ی‌ مه‌ترسییه‌وه‌ به‌تایبه‌ت كه‌ نه‌خۆشی‌ سیلان و ئه‌و نه‌خۆشییانه‌ی‌ له‌ڕێی‌ سێكسه‌وه‌ ده‌گوازرێنه‌وه‌، چاره‌سه‌ركردنیان ئاسان نییه‌".

2- چه‌وركردنی‌ كۆندۆم به‌ زه‌یت
زه‌یته‌ نه‌گونجاوه‌كان بۆ چه‌وركردنی‌ كۆندۆم به‌كارمه‌هێنه‌. هه‌ندێك له‌و زه‌یتانه‌ ره‌نگه‌ له‌ له‌ واقیعدا ببنه‌هۆی‌ كونبوونی‌ كۆندۆمه‌كه‌ و ده‌رئه‌نجام كێشه‌ی‌ مه‌ترسیدار بۆ كه‌سی‌ به‌رامبه‌ر دروست بكات.
گه‌ر كۆندۆمی‌ جۆری‌ لاتكس به‌كارده‌هێنێت به‌ زه‌یت چه‌وری‌ مه‌كه‌ به‌تایبه‌تی‌ زه‌یتی‌ زه‌یتون و زه‌یتی‌ گوێزی‌ هندی‌، چونكه‌ كۆندۆمه‌كه‌ كون ده‌كات و له‌ كه‌ڵكی‌ ده‌خات. گه‌ر كۆندۆم به‌كارده‌هێنێت پێویسته‌ ئه‌و جۆرانه‌ به‌كار بهێنیت كه‌ ئاو پێكهاته‌ی‌ سه‌ره‌كی‌ دروستكردنیه‌تی‌ یان ماده‌ی‌ سیلیكۆن.

3- فشار له‌ به‌رامبه‌ره‌كه‌ت مه‌كه‌ بۆ ئه‌وه‌ی‌ بگاته‌ ترۆپكی‌ چێژوه‌رگرتن
ته‌ركیز خستنه‌ سه‌ر جووتبوون، چێژی‌ سێكسكردن له‌ده‌ست ده‌دات و ره‌نگه‌ زیان به‌ ته‌ندروستی‌ سێكسیت بگه‌یه‌نێت چونكه‌ كه‌شێكی‌ نیگه‌رانی‌ دروست ده‌كات. 

وه‌ك ستیفن سنایده‌ر كه‌ چاره‌سه‌ركاری‌ سێكسیه‌ له‌ شاری‌ نیویۆرك و دكتۆرای‌ له‌ بواری‌ پزیشكی‌ هه‌یه‌ ده‌ڵێت: "هه‌ندێك كات گه‌یشتن به‌ ترۆپكی‌ چێژوه‌رگرتن پێویستی‌ به‌ كات و ته‌ركیز كردن هه‌یه‌، په‌له‌كردن و هاندانی‌ به‌رده‌وام ره‌نگه‌ كاره‌كه‌ قورس بكات و سێكسكردنه‌كه‌ خۆشییه‌كه‌ی‌ له‌ده‌ست بدات".

4- دووربكه‌وه‌ره‌وه‌ له‌ ئه‌نجامدانی‌ توندوتیژی‌ له‌ كاتی‌ سێكسكردندا
پێویسته‌ سێكس به‌ نه‌رم و نیانی‌ ئه‌نجام بدرێت و توندوتیژی‌ هیچ سوودێكی‌ نابێت و ناتگه‌یه‌نێته‌ ترۆپكی‌ چێژوه‌رگرتن، به‌پێچه‌وانه‌وه‌ ره‌نگه‌ جووتبوونه‌كه‌ بۆ خۆت و كه‌سی‌ به‌رامبه‌ریش ئازاربه‌خش بێت و ببێته‌هۆی‌ شكانی‌ چووك و برینداربوونی‌ ناو كۆئه‌ندامی‌ زاوزێی‌ مێینه‌. گه‌ر هه‌ست به‌ وروژاندن ناكه‌یت شێوازی‌ سێكسكردنه‌كه‌ بگۆڕه‌ یان پشوویه‌ك وه‌ربگره‌ له‌ڕێی‌ ده‌ستبازی‌ و دواتر ده‌ستپێبكه‌ره‌وه‌.





ئەم هەواڵە 1966جار خوێندراوەتەوە
 
 
ڤیدیۆ گەلەری
له‌ ئاسمانه‌وه‌ وێنه‌ی وێرانه‌ی مزگه‌وتی نوری و مناره‌ی حه‌دبا ببینه‌
مۆبایل سەری لە قوڕێ نا
موشه‌كی رووسی له‌ ده‌ریای ناوه‌ڕاسته‌وه‌ ئاراسته‌ی داعش له‌ ته‌دمور ده‌كرێت
شا سه‌لما به‌ قاوه‌ی عه‌ره‌بی پێشوازی له‌ تره‌مپ ده‌كات
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad