2017-01-11 [04:44 AM]

ZNA- ھەولێر 

 
فرانک رێبیری یاریزانی یانەی بایەرن میونشنی ئەڵمانی دەڵێت , دوای کۆتایی ھاتنی بۆندەکەم لەگەڵ یانەی باڤاری لەوانەیە بچمە خولی چینی .. 

لەمیانەی لێدوانێکی بۆ رۆژنامەی بێلدی ئەڵمانی رێبیری رایگەیاند : ماوەی ساڵێک و ٦ مانگ لە بۆندەکەم ماوە لەگەڵ یانەی بایەرن میونشن تا ئەو کاتەش تەمەنم دەبێتە ٣٥ ساڵ و  ئەو کاتەش ھەموو ئەگەرەکان لەبەردەمم کراوە دەبن .. 

ھەروەھا گووتیشی : چەندین یاریزان ئارەزوو دەکەن روو لە خولی چینی بکەن , من ھاوشێوەی ئەو یاریزانانە لە ھاوینی ٢٠١٨ لەوانەیە روو لە خولی چینی بکەم .. 

فرانک رێبیری فەرەنسی لە ساڵی ٢٠٠٧ وە یاری بۆ یانەی بایەرن میونشن دەکات , لەو ماوەیەش چەندین نازناوی گرنگی لەگەڵ یانەی باڤاری بەدەستھێناوە , بەڵام لەم دواییە بەھۆی زۆری پێکانەکانی کەمتر بەشداری یارییەکان دەکات ..