English | عربی | Kurdî دواهەواڵ
ڕاستەوخۆ  
 
یەکەم قۆناغی نیشتەجێکردنەوەی ئاوارەکان لە دەڤەری شنگال لە سنوونێ دەستی پێکرد
2017-01-11 [05:49 AM]

ZNA- هەولێر


 

ڕێکخراوی ھابیتات ڕایگەیاند، لە دوای ھێرشە دڕندانەکەی داعشەوە زۆربەی زۆری کوردانی ئێزدی لە ماڵ و حاڵی خۆیان ئاوارە ‌بوون، لە ‌ناحیەی سنوونێ ١٢٤یەکەی نیشتەجێبوون بۆ خەڵکی ئەو ناوچەیە تەواوکران و تەسلیم بە ئاوارە گەڕاوەکان کرانەوە.

 

ھابیتات لە بەیاننامەیەکدا ئاماژە بەوە دەکات، ئەوە یەکەم قۆناغی نیشتەجێکردنەوەیە لە شاروچکەی حەردان سەر بە سنوونێ بۆ نیشتەجێکردنەوە و ڕێکخراوەکە بەھاوکاریی چەند ئاژانسێکی دیکە ‌و نووسینگەی پارێزگاری نەینەوا ئەنجامی داوە.

 

پرۆژەکە بە ئامانجی نیشتەجێکردنی ھاووڵاتییانی ئاوارەبووی دەستی داعشە و لەو ڕررەوە داوا لە دەسەڵاتە ناوخۆییەکان دەکات پاراستن و ئاسایش و ھەستی پشت بەخۆبەستن و دووبارە بونیادنانەوەی ئاشتییان بۆ دەستەبەر بکەن.  لەو بارەیەوە، یۆکۆ ئۆتسوکی، سەرۆکی ئاژانسی ھابیتات، ڕایگەیاند، ئەم بەرنامەیە ھەر ئەوە نییە لە ڕووی فیزیکییەوە ناوچەکە چاک بکاتەوە و خانووەکان بنیات بنێتەوە، بەڵکو وا دەکات خەڵکە ئاوارەکان ھەست بە مافی خۆیان بۆ ھەبوونی موڵک بگێڕنەوە.

 

بەپێی بەیاننامەکە، تیرۆریستانی داعش لە کاتی ھێرشەکەیاندا ٣٠٠٠ خانوویان تەنیا لە سنوونێ کاول کردبوو و ٢٧٥ ھەزار لە دانیشتووانی چیای شنگال کە زۆرینەی ئێزدین ئاوارە و بێ ماڵ مانەوە.





ئەم هەواڵە 2704جار خوێندراوەتەوە
 
 
ڤیدیۆ گەلەری
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
شەڕە قۆچ لەگەڵ ئۆتۆمبێل دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad