English | عربی | Kurdî دواهەواڵ
ڕاستەوخۆ
 
گۆڕان سلێمانیتان دۆڕان
رێکلام
راپرسی No date
فۆتۆ گەلەری
2017-01-11 [10:41 AM]

نووسینی: دانا مەنمی



گۆڕان وەک هێزێکی سیاسی ناڕازیی لەهەموو شتێک ، جگە لەخۆی کە واوێنا دەکات معسومە و فردیادرەسی دۆخی سیاسی و ئابوری و حوکمڕانیەتییە لە کوردستان ، ناڕازیبوونی بزوتنەوەی گۆڕان هیچی نەگۆڕی لەکوردستان و وورەی هاونیشتیمانیانی داڕماندو فەرهەنگ و مۆدیلێکی ناشارستانی و ناموراڵی تاریکبیری فەوزەوی و پۆپۆلیستی هێنایە ناو ژینگەی سیاسی و فەرهەنگی و کلتوری کۆمەڵگای کوردییەوە .
دەسپێکی کاری ڕێکخراوەی بزوتنەوەی گۆڕان بەکەڵک وەرگرتن لە دروشمی بیکردار و فووکردنە خەڵک و ئاراستەکردنیان دژ بە ئەزموون و حوکمڕانیەتی کوردی کە زادەی هەناوی خەڵکی کوردستان و بەرئەنجامی خوێنی شەهیدان و سەدەیەک لەقوربانیدانە ، خەڵکیان پەروەردە کرد بۆ دروشمی بڕوخئ بسوتئ و بەرد باران کردن و دەهۆڵکوتینی پەڕلەمان و کەمپین بۆ بێنرخکردن و سوکایەتیکردن بە مرۆڤ .
ئەم بزوتنەوەیە هەر بەمەوە نەوەستان و مرۆڤیان داماڵی لە بەهای نەتەوایەتی و خاک و نیشتیمان و نەتەوەیان گۆڕییەوە بە تورێکی قوڕاوی ! 
سەرباری ئەوەی لەبواری کۆمەڵایەتیشدا سایکۆلۆژیاو دەرونی خەڵکیان لێکترازاندووە و شێواندیانە و مامەڵەیەکی خراپ وجەنگی دەرونی و ئیرهابی فیکری لەگەڵ هاوڵاتیاندا دەکەن ، تەسەور بکەن تاکەئامانجیان بئ ئومێدبوونی تاکی کوردە لە ژیان .
ئێستا بزوتنەوەی گۆڕان تووشی پوکانەوەی جەماوەری بووەو بەشێک لەهەڵسوڕاوانیان گەڕانەوە بۆ ماڵەگەورەکەی یەکێتی و هەندێکیشیان چوونە ڕیزەکانی پارتی دیموکراتی کوردستان ، هەربۆیە بۆشایی و دابڕانێکی گەورە لە نێوان بزوتنەوەی گۆڕان خەڵکیشدا دروست بووە . 
کاتێک لەبەردەم مەکۆی گشتی بزوتنەوەی گۆڕاندا خەڵک هاوار دەکات ( سەرکردەکانی گۆڕان ، سلێمانیتان دۆڕان ) وەیان دەڵێن (گۆڕان بۆیە دۆڕاوە ، دەمی چەور کراوە ) ئەمانە تەنها دروشم نین ، بەڵکو پەیام و بەرسڤێکی ڕەوای خەڵکە و لەڕاستیشدا ئەم پەیامانە ڕەنگدانەوەی هەیە لەسەر بزوتنەوەی گۆڕان و لەواقیعیشدا گۆڕان سلێمانی دۆڕاند کاتێک دژ بەخواستەکانی خەڵک و دژ بە ئامانجە نەتەوەیی و نیشتیمانییەکان هەنگاویناو خۆی داماڵی لە بەهای کوردایەتی و هەڵسوڕاوان و ئەندامانی نوێنەرانیان سوکایەتیان بە بنەماڵەی شەهیدان و پێشمەرگەیان بەمیلیشیا شوبهاند .
بزوتنەوەی گۆڕان خاوەنی پرۆژەی ڕیشەکێشکردنی هەست و ئینتیمای نەتەوەییە ، خاوەنی پرۆژەی داماڵینی مرۆڤە لە بەهای کوردبوون ، خاوەنی پرۆژەی سڕینەوەی نەخشەو جوگرافیای کوردستانە ، خاوەنی پرۆژەیەکی ڕەشە خۆی بۆ ڕۆژە چارەنوسسازەکان هەڵگرتووە بۆ ئەوەی دەرفەتە زێڕینەکان لەبەردەم عاقڵمەندان و حاکمیەتی تەندروستی کوردستان لەبار بەرێت ، ناخوازێت کورد دەستی لە عەرەب ببێتەوە ، چونکە گۆڕان خواستی پاشکۆیەتی هەیە هەم بۆ خۆی و هەمیش بۆ کورد ، هەروەک چۆن ئێستا پاشکۆی حزبی دەعوەو مالیکی یە ، لەجێگەی پێشمەرگە ، چەپڵەلێدەرو دەنگدەری یاسایی حەشدی شەعبی یە .
ستراتیژی سیاسی نەتەوەیی و ئاسایشی نیشتمانی دوو شتن پێکەوە بەستراو لە شعوری هەر تاکێکی نەتەوەدا هەن . پێویستیان بە کەسانی تیئۆریست و ئەکادیمست نیە بۆیان دروست بکات و دروستیش ناکرێت ، بزوتنەوەی گۆڕان لەبایەخی جوگرافیاو خاک و نیشتیمان نەتەوە تێناگات ، هەربۆیە خاوەنی سیاسەتێکی شکستخواردوون و فڕیان بەسەر چەمکی ئاسایشی نیشتیمان و نەتەوەوە نییە .
جوگرافیا بەقەد ئەوەی زەمین و نیشتمان و سروشت و مەڵبەندی ژیانمانە ، دوو هێندە ڕەهەندێکە پێوەری بەها و قەوارە و دڵنیایی و هەستکردنمانە بەشوێن . تا شوێنت نەبێت پرسی خۆت و کات و ناسینت لادروست نابێت و نابیتە خاوەنی ناسنامەی کوردبوون ، بۆیە هێندەی هەستکردنمان بە ئەمنە قەومیەکەمان ، هەستمان بۆ جوگرافیا بەهێزدەبێت .
خەڵکی کوردستان و حیزبەکانیش مافی خۆیانە نەچنە ژێر باری هەڵخەڵەتاندن گەوجاندنی بزوتنەوەی گۆڕان و شەریکە پاشکۆکانی ، ئاخر کوردایەتی و کوردبوون بە حیزبی پاشکۆ و کۆپیکراو ناگاتە مەنزڵ ، بەڵکو پێویستی بەحیزبی ڕەسەن و وێنە ئەسڵییەکەیە کە کردارو گوتاری یەکانگیر بێت .





ئەم هەواڵە 7306جار خوێندراوەتەوە
 
 
ڤیدیۆ گەلەری
ببینه‌ دیوارێك به‌سه‌ر ژماره‌یه‌ك ئۆتۆمبێل دا ده‌ڕوخێت
یه‌كه‌م بووكه‌ڵه‌ پیاسه‌ له‌ شه‌قامه‌كانی ژاپۆن ده‌كات
چه‌كدارانی داعش له‌ رۆژئاوا بۆ رۆژهه‌ڵاتی سوریا به‌ پاس ده‌گوازرێنه‌وه‌
دوای ئه‌و هێرشه‌ چی روویدا
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad