English | عربی | Kurdî دواهەواڵ
ڕاستەوخۆ
 
سوپای عێراق دوو گەرەکی تری لە شاری موسل ئازاد کرد
2017-01-12 [01:30 AM]

ZNA-ھەولێر


رووداو- هەولێر هێزە عێراقییەكان کۆنترۆڵکردنەوەی دوو گەڕەکی دیكەیان لە شاری موسڵ راگەیاند. فەرماندەیەكی سوپای عێراقیش دەڵێت، کۆنترۆڵکردنەوەی تەواوی موسڵ سێ‌ مانگ دەخایێنێت.

لە بەیاننامەیەکدا، شانەی راگەیاندنی جەنگی سەر بە فەرماندەی ئۆپەراسیۆنە هاوبەشەکان بڵاویکردەوە، هێزەکانی بەرپەرچدانەوەی خێرا و فیرقەی 5ی پۆلیسی فیدراڵی، گەڕەکەكانی سۆمەر و ساهیرون-یان لە لای چەپی موسڵ کۆنترۆڵکردەوە و ئاڵای عێراق-یان لەسەر هەڵکردوون.

ئەوە لە کاتێکدایە، فەریق رائید شاکر جەودەت، فەرماندەی پۆلیسی فیدراڵی رۆژی چوارشەممە 11-1-2017 کۆنترۆڵکردنەوەی گەڕەکی ساهیرون-ی راگەیاندبوو. رۆژی 29-12-2016، دوای نزیکەی دوو هەفتە لە وەستاندنی هێرشەکان، قۆناخی دووەمی ئۆپەراسیۆنی کۆنترۆڵکردنەوەی موسڵ دەستیپێكرد.

بەپێی لێدوانی فەرماندە سەربازییەكانی عێراق، كۆنترۆڵكردنەوەی رۆژهەڵاتی موسڵ (بەری چەپ) زۆری نەماوە و تەنیا چەند رۆژێكی كەمی دیكەیان پێویستە بۆ ئەوەی سەرجەم گەڕەكەكان كۆنترۆڵبكەنەوە.

هاوكات هێزی دژە تیرۆری عێراق رایگەیاند، هێزەکانیان توانیویانە 85%ی بەشی لای چەپی ئەو شارە کۆنترۆڵبکەنەوە، بەڵام کۆنترڵکردنەوەی تەواوی موسڵ سێ مانگی دیکە دەخایێنێت. 

لیوا روکن حەیدەر فازڵ، بەرپرس لە هێزی دژە تیرۆری عێراق دەڵێت، دوای کۆنترۆڵکردنەوەی گەڕەکەکانی سدیق و بەشەکانی دیکەی گەڕەکی حەدبا لە لای چەپی شاری موسڵ، هێزەکانیان توانیویانە 85%ی بەشی رۆژهەڵاتی ئەو شارە کۆنترۆڵبکەنەوە. هاوكات فەریق روکن تاڵب ئەلشەغاتیم، بەرپرسی دژەتیرۆری عێراق ئاماژە بەوەدەکات، کۆنترۆڵکردنەوەی تەواوی موسڵ سێ مانگی دیکە دەخایێنێت. 

شەڕی کۆنترۆڵکردنەوەی موسڵ لە 17-10-2016 دەستیپێكرد و دوو رۆژ پێش ئێستاش هێزە عێراقییەکان توانیان بۆ یەکەمجار بگەنە سەر رووباری دیجلە.  





ئەم هەواڵە 5914جار خوێندراوەتەوە
 
 
ڤیدیۆ گەلەری
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad