English | عربی | Kurdî دواهەواڵ
ڕاستەوخۆ  
 
بريكارى وه‌زاره‌تى دارايي و ئابوورى سه‌ردانى پارێزگاى دهۆكى كرد
2017-01-16 [04:11 AM]

ZNA - هه‌ولێر


سه‌ر له‌به‌يانى دوێنێ يه‌كشه‌ممه‌، "ڕابه‌ر سديق" بريكارى وه‌زاره‌تى دارايي و ئابوورى به‌ سه‌ردانى پارێزگاى دهۆكى كرد و له‌لايه‌ن "فه‌رهاد ئه‌تروشى، پارێزگارى دهۆك پێشوازيه‌كى لێكرا.

له‌ كۆبوونه‌وه‌يه‌كدا به‌ ئاماده‌بوونى پارێزگارى دهۆك، له‌گه‌ڵ سه‌رجه‌م به‌ڕێوه‌به‌ره‌ گشتيه‌كانى وه‌زاره‌ته‌كانى حكومه‌تى هه‌رێم له‌ سنوورى پارێزگاى دهۆك كۆبۆوه‌.

له‌ميانى كۆبوونه‌وه‌كه‌ بريكارى وه‌زاره‌تى دارايي و ئابوورى، ده‌ستخۆشى له‌ داموده‌زگاكانى حكومه‌تى هه‌رێمى كوردستان كرد له‌ سنورى پارێزگاى دهۆك، سه‌باره‌ت به‌و هه‌ماهه‌نگيه‌ى له‌گه‌ڵ داموده‌زگاكان و فه‌رمانگه‌كانى وه‌زاره‌تى دارايي ده‌يكه‌ن.

هه‌ر له‌م كۆبوونه‌وه‌يه‌دا تيشكى خسته‌ سه‌ر به‌رنامه‌كانى حكومه‌تى هه‌رێمى كوردستان بۆ ساڵى 2017، سه‌باره‌ت به‌ داناني پلانێكي توكمه‌ بۆ خه‌رجيه‌ پێويستيه‌كان له‌سه‌ر بنه‌ماي ئه‌و داهاته‌ي كه‌ له‌به‌رده‌ست دايه‌.

 

هاوكات گوێى له‌سه‌رجه‌م داواكاريه‌كارى و گيرو گرفته‌كانى به‌ڕێوه‌به‌ره‌ گشتيه‌كانى سنوورى ئه‌و پارێزگايه‌ گرت و ئاماده‌يي خۆى نيشاندا بۆ دۆزينه‌وه‌ى ڕێگا چاره‌ و چاره‌سه‌رى گيرو گرفته‌كان، به‌ پێى ئه‌و توانايه‌ى به‌رجه‌سته‌ ده‌بێت.

 

له‌ كۆتايدا سوپاسى خۆى ئاراسته‌ى پارێزگارى دهۆك كرد بۆ ئه‌و پێشوازيه‌ گه‌رمه‌، وه‌ سوپاسى خه‌ڵكى پارێزگاى دهۆكي كرد كه‌ توانيان سه‌ره‌ڕاى ئه‌و قه‌يرانه‌، مێژوويه‌كى پڕشنگدار بۆ خۆيان تۆماربكه‌ن به‌ له‌ باوه‌شگرتنى مليۆنێك زياتر له‌ ئاواره‌ كه‌ ڕوويان له‌م ده‌ڤه‌ره‌ كردووه‌.

جێگه‌ى باسه‌ (ڕابه‌ر سديق) بريكارى وه‌زاره‌تى دارايي و ئابوورى به‌ (وه‌كاله‌ت)، هه‌ر له‌ هه‌مان ڕۆژ دا سه‌رپه‌رشتى كۆبوونه‌وه‌يه‌كى كرد له‌ گه‌نجينه‌ى دهۆك، له‌گه‌ڵ فه‌رمانگه‌ و داموده‌زگاكانى وه‌زاره‌تى دارايي و ئابوورى، به‌ مه‌به‌ستى له‌ نزيكه‌وه‌ ئاگادار بوون له‌و ئاسته‌نگانه‌ى كه‌ له‌ ڕاپه‌راندنى ئيشوكارى ڕۆژانه‌يان ڕووبه‌روويان ده‌بێته‌وه‌.





ئەم هەواڵە 8296جار خوێندراوەتەوە
 
 
ڤیدیۆ گەلەری
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
شەڕە قۆچ لەگەڵ ئۆتۆمبێل دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad