English | عربی | Kurdî دواهەواڵ
ڕاستەوخۆ  
 
ئه‌و هەڵانه‌ی شکست بە هاوسەرگیریەکەت دەهێنێت
2017-02-08 [10:38 AM]

ZNA-هه‌ولێر


شکستی ھاوسەرگیری بەشێکی سەرەکی دەگەڕێتەوە بۆ چۆنێتی تێگەیشتن و بەردەوام دووبارە کردنەوەی ھەندێک ڕەفتاری ھەڵە لەلایەن ھەردوو ڕەگەزەوە بەتایبەتی پیاوان، ڕەنگە ئەو ڕەفتارانە لای تۆ کارێکی ئاسایی بێت بەڵام ھەڵەیە و کاریگەری سلبی دەبێت لەسەر پەیوەندی ھاوسەرگیری.

ئەو ھەڵانە چین کە ھاوسەران ئەنجامی دەدەن و دەبێتە ھۆی شکستھێنانیان لە پەیوەندیەکەیان:

گرنگی نەدان بە ھەستی یەکتری یەکێکە لە ھەڵە باوەکان، چونکە کەسی دووەم ھەست دەکات کە ھیچ بایەخێکی نییە، ھەربۆیە ھەوڵبدە جارێکی دیکە بیربکەرەوە و ھەڵەکان ڕاست بکەرەوە بەتایبەت پیاوان.

ژیانی ھاوسەرگیری واتە ھاوبەشی کردنی ھەردوو کەس لە ھەموو خۆشی و ناخۆشیەکدا و ھەستکردن بە بەرپرسیاریەتی بەرامبەر یەکدی، بەڵام کاتێک یەکێکیان ھیچ کات لەگەڵ ھاوسەرەکەی نیە و پشتیوانی ناکات، بەتایبەت پشتیوانی بۆ خانمان لەلایەن پیاوانەوە چونکە ئەو بەرپرسیاریەتی زۆرە ھەم وەک دایک و ھەم وەک ئەرکی ماڵ و رەنگە کاری دەرەوەش بکات.

سەرەتا بەخۆشەویستی و ئاشقێکی زۆرەوە دەست پێدەکەن بەڵام دواتر ئەم پەیوەندیە کاڵدەبێتەوە بەھۆی ڕۆتینی ڕۆژانە و گرفتی زۆرەوە، ڕۆژە لەگەڵ ڕۆژ زیاتر دوور دەکەونەوە، ئەمە ھەڵەیە و ژیان پێویستی بە خۆشەویستیە لە ھەموو کاتێکدا ھەربۆیە ڕێگەمەدە بوونی منداڵ و کارەکانی ڕۆژانە کاریگەری سلبی لەسەرتان دروست بکات.

دوترێت بەشێکی زۆری ھاوسەران تەنھا لەسەر کاغەز ھاوسەری یەکترن، ھەندێک لە ھاوسەران گرنگی بەھیچ لایەنێکی ژیانی ھاوسەری نادەن چ لەڕووی سێکسیەوە چ لەڕووی دەروونیەوە تەنھا گرنگی بە کاری ڕۆژانە و پێویستی ماددیەکان دەدات، ئەمە کاریگەری سلبی لەسەر پەیوەندیتان ھەیە بەتایبەت ئەو پیاوانەی کاری گەورە دەکەن لەدەرەوە.

گفتوگۆی بەردەوام لەسەر بابەتی ناگرنگ و دەنگەدەنگ، وەک کێشە لە خواردنێک یان سەیرکردنی کەنالێک یان ھەڵبژاردنی جۆری جلوبەرگ، ھەموو ئەمانەش ھۆکارێکە بۆ دروستبوونی گرفت لەنێوان ھاوسەران.

پێشخستنی ھاوڕێکانت پێش ھاوسەرەکەت ھەڵەیە، بەنمونە ھەموو چوونە دەرەوە و کارێک لەگەڵ ئەوانە و ھیچ گرنگی بە ھاوسەرەکەت نادەیت، کەواتە چاوەڕێ مەکە بە ڕوویەکی خۆشەوە پێشوازیت لێ بکات.

 

 

 

 

لانه‌ ناصح به‌رزنجی





ئەم هەواڵە 5833جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad