English | عربی | Kurdî دواهەواڵ
ڕاستەوخۆ
 
بۆچی بەردەوام هەست بە برسێتی دەکەیت
2017-02-13 [11:01 AM]

ZNA - هه‌ولێر


برسێتی و تێری دوو هەستن کە ڕۆژانە هەستیان پێدەکەین و بەدرێژایی ژیان لەگەڵ ئەو دوو هەستەداین، لەکاتی برسێتی هەوڵدەدەین خۆمان تێر بکەین و کە تێربووین دەست هەڵدەگرین.

هەندێک کەس ماندو و بێزاردەبن لەوەی بەردەوام هەست بە برسێتی دەکەن و ناچاردەبن خواردن بخۆن، ئەمەش دەبێتەهۆی زیادبوونی کێشیان.

هۆکارەکانی بەردەوامی برسێتی
1-کەمخەوی هۆکارێکی سەرەکیە، چونکە زیان بە هۆڕمۆنی برسێتی دەگەیەنێت و زیادی دەکات بەڕێژەی لە %30 کە ناسراوە بە "گریلین" لە گەدەدایە، لەهەمانکاتدا کاریگەری لەسەر شەکری خوێن دروستدەکات، بەرهەمی ئەنسۆلین کەم دەکاتەوە، هەموو ئەمانەش هۆکاری هەستکردنن بە برسێتی.

2-زیادەڕەویکردن لە ئەنجامدانی وەرزش و ڕاهێنان، چونکە ڕێژەی ئەو هۆڕمۆنانەی بەرپرسن لە برسێتی بەرزدەکاتەوە، هەر بۆیە پسپۆڕان ئامۆژگاری خەڵکی دەکەن دوای وەرزش خواردنی تەندروست بخۆن.

3-زۆر کارکردن و ئارەقکردنەوەو ماندووبوون، هۆکارێکە بۆ کردنەوەی ئارەزووی خواردن، چونکە هۆڕمۆنی دڵەڕاوکێ "کۆرتیزول" زیاد دەکات، بیرکردنەوەی زۆریش هۆکارێکە بۆ برسێتی.

4-کەمی ئاو خواردنەوە، کاتێک هەست بە برسێتی دەکەیت پێش هەموو شتێک ئاو بخۆرەوە، چونکە زۆرکات هەستکردن بە برسێتی لە ئەنجامی کەمی ئاوە لەلەشدا، بەڵام هەست بە تینوێتی ناکەیت و لەشت پێویستی بە شلەمەنیە.

5-خواردنەوە کهولیەکان، ڕێژەی هۆڕمۆنی گریلین کە بەرپرسە لە برسێتی بەرزدەکەنەوە، ئەمەش هۆکارێکە بۆ زیاتر برسیبوون، جگەلەوەش لەکاتی خواردنەوەی کهولدا بە خۆراکی وەک چەرەسات و شتی سووک گەدە تێردەکەیت، ئەمەش دەبێتەهۆی ئەوەی زوو برسی بیتەوە.

6-بەگوێرەی توێژینەوە زانستیەکان نانی بەیانی زۆر گرنگە و پێویستە بایەخی پێ بدرێت و بخورێت، چونکە نەخواردنی هۆکارێکە بۆ برسێتی بەردەوام و قەڵەوی.

7-شیرینی و خواردنە خێراکان و جپسی پەتاتە و پسکیت بڕێکی زۆر کالۆری تێدایە و موغەزی نییە بۆ لەش، هەر بۆیە بۆ ماوەیەکی کەم تێرتدەکات و زوو برسی دەبیت.

8-برسیبوون بۆ ماوەیەکی زۆر کاردەکاتە سەر هۆڕمۆنی لیبتین کە بەرپرسە لە هەستی تێری، زیانی هەیە و هۆکارێکە بۆ زوو برسیبوونەوە و ئارەزووکردنی خواردن.

9-هاوبەشیکردنی خواردن لەگەڵ هاوڕێ و دۆست و کەسەکاندا بە قەرەباڵغی لەدەرەوە بە خواردنی ناتەندروست، هۆکارێکە بۆ دووبارە برسیبوونەوە، هەر بۆیە هەوڵبدە خواردنی تەندروست و گونجاو هەڵبژێریت.

 

 

 

لانه‌ ناصح به‌رزنجی





ئەم هەواڵە 6298جار خوێندراوەتەوە
 
 
ڤیدیۆ گەلەری
مۆبایل سەری لە قوڕێ نا
موشه‌كی رووسی له‌ ده‌ریای ناوه‌ڕاسته‌وه‌ ئاراسته‌ی داعش له‌ ته‌دمور ده‌كرێت
شا سه‌لما به‌ قاوه‌ی عه‌ره‌بی پێشوازی له‌ تره‌مپ ده‌كات
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad