English | عربی | Kurdî دواهەواڵ
ڕاستەوخۆ  
 
پارێزگاری لە پێنج جۆر هاوڕێت بکە
2017-02-13 [12:48 PM]

ZNA - هه‌ولێر


هاوڕێ ئەو کەسەیە کە لە هەموو قۆناغەکانی ژیاندا لەگەڵتدایە لەهەموو کاتێکدا خۆشی و ناخۆشی، هۆکارێکە بۆ سەرکەوتنی تۆ لەژیاندا، بەڵام لەگەڵ ئەوەشدا پێویستە بزانین کامە هاوڕێی باشە و وریابین لە هەڵبژاردنی هاوڕێدا، چونکە هەندێک هاوڕێ بەپێچەوانەوە هۆکارێکن بۆ تێکدانی ژیانی تۆ.

ئەو هاوڕێیانەی پێویستە لە ژیانی تۆدا بمێننەوە و پارێزگاریان لێ بکەیت کێن؟

1-ئەو هاوڕێیەی لەهەموو کارێکدا هاوکاریت دەکات و هاندەرتە، هەتا ئەگەر هەڵەشت کردبێت و پشتیوانیت دەکات و هانت دەدات بگەیت بە ئامانج و هیواکانت و بەدیهێنەری خەونەکانتە.

2-هاوڕێتە لەهەموو پەیوەندیەکی کۆمەڵایەتیدا و دەتپارێزێت لە هەر پەیوەندی و هەڵەیەک لەگەڵ کەسانی چواردەوردا و تا کۆتایی ڕێگە دەمێنێتەوە.

3-بەردەوام وەک مامۆستایەک ڕێنوێنیت دەکات و بیرۆکەی نوێت پێدەبەخشێت، لەهەر کێشەیەک یاخود گرفتێکدا لەگەڵتدا دەمێنێتەوە، ئامۆژگاریت دەکات چۆن مامەڵە بکەیت و ناهێڵێت شکست بهێنیت.

4-هیوابەخشە و چارەسەری کێشەکانت دەکات لەو کاتانەی تۆ دەترسیت و هاوبەشی ژیانت دەکات، واتە بەتەنها لەخۆشیدا لەگەڵت نییە، بەڵکو لە خراپترین کاتدا ڕێنوێنیت دەکات و هیوات پێدەبەخشێت.

5-هاوڕێیەک بێت خەندە بخاتە سەر لێوەکانت لەکاتی بێزاری و خەمۆکیدا و هەوڵبدات تۆ لەو خەمە قورسە بهێنێتە دەرەوە، بۆ نموونە لەگەڵتدا دێتە دەرەوە و قسە و چیرۆکی خۆش باسدەکات و مێشکی تۆ دووردەخاتەوە لەو بارە ناهەموارە.

 

 

 

 

لانه‌ ناصح به‌رزنجی





ئەم هەواڵە 6064جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad