English | عربی | Kurdî دواهەواڵ
ڕاستەوخۆ
 
ڕێکخراوی وادی ئەڵمانی لە دوو ھەفتەدا شەش سمیناری لە گوند و ناحیەکانی گەرمیان بۆ کچ و ژنان ساز کرد
2017-02-15 [03:46 AM]

ZNA- گەرمیان


 

ڕێکخراوی وادی لە ناحیە و گوندەکانی سنوری ئیدارەی گەرمیان, شەش سمیناری ئەنجام دا بۆ ژمارەیەک کچ و ژن, بەمەبەستی چارەسەرکردنی ئاشتیانەی ململانیەکان, ھۆشیارکردنەوە تاک, لە پەروەردەکردنی منداڵان لە کەشێکی ئارام و دوور لە توندوتیژی و ڕاھێنایان بەشێوەیەکی ئاشتیانە و قەبوڵکردنی دەوروبەر.

 

دواتر باسی زیانەکانی خەتەنەکردنی مێیینە و ناساندنی یاسای ژمارە ٨ی بەرەنگاربوونەوەی توندوتیژی خێزانی کرا

.

لەو بارەیەوە "لەیلا ئەحمەد" ئەندامی تیمی گەرمیان ڕێکخراوی وادی لە گەرمیان بە ئاژانسی ھەواڵی زاگرۆسی ڕاگەیاند: چەندین سمینارمان ئەنجامداوە بۆ ژمارەیەکی زۆر ئافرەت, کە سەرەڕای ئەوەی باسی زیان و دەرئەنجامە خراپەکانی خەتەنەکردنی مێینەمان بۆیان ڕوونکردۆتەوە و یاسای ژماری ٨ی بەرەنگاربوونەوەی توندوتیژی خێزانی ساڵی ٢٠١١مان پێیان ناساندووە, ھۆشیاریەکانمان بۆ تاک بە تاکی کۆمەڵگا و بنبڕکردنی توندوتیژی دژی نەک تەنھا ژن بەڵکو بەرانبەر بەمنداڵ, قوتابی و مامۆستا, کوڕ و کچ, پیاو و ژن...ھتد ھەر تاکێکی نێو کۆمەڵگا بۆ چارەسەر کردنی ئاشتیانەی کێشەکان.

 

لەیلا ئەحمەد ئەوەشی خستە ڕوو: ئامانجمان لە سازدانی ئەم سمینارانە ھۆشیارکردنەوەی ھەر دوو ڕەگەزی نێر و مێیە بەمەبەستی پەروەردەکردنی منداڵان بۆ ئەوەی تاک بتوانێت خاوەنی بیر و بڕیاری خۆی بێت و  لەشی موڵکی خۆی بێت, وا ڕابھێنرێت و بتوانێت لەگەڵ دەوروبەر بەشێوەیەکی ئاشتیانە تەعامول بکات.

 

وتیشی: لە ٢٠١٧دا بەردەوامین لە ھۆشیارکردنەوەی کچ و ژنان, لە زیان و کاریگەریە خراپەکانی خەتەنەکردنی مێیینە و ناساندنی یاسای ژمارە ٨ی بەرەنگاربوونەوەی توندوتیژی خێزانی, بۆ ئەوەی ئافرەتان بتوانن مافەکانی خۆیان بزانن و پەرەی پێ بدەن. بە زۆری لە سمینارەکاندا جەختمان لەسەر دیاریدەی بەشوودانی کچ لە تەمەنی منداڵی و کارکردن بە منداڵ, دەرکردنیان لەبەر خوێندن, ھێنانی ژنی دووەم و...ھتد کردەوه، چونکە وەکو ئێمە ڕۆژانە لە سمینار و چاوپێکەوتنەکانمان دەیبینین لەئێستادا بەزۆری ئەم دیاردانە بەرچاو دەکەون و ژنان پێوەی دەناڵێنن, سەرەڕای ئەوەی قەیرانی دارایی کێشە خێزانیەکانی ژنان و تەنانەت کچانیشی قووڵتر کردوە.

 

علی جاف





ئەم هەواڵە 2608جار خوێندراوەتەوە
 
 
ڤیدیۆ گەلەری
مۆبایل سەری لە قوڕێ نا
موشه‌كی رووسی له‌ ده‌ریای ناوه‌ڕاسته‌وه‌ ئاراسته‌ی داعش له‌ ته‌دمور ده‌كرێت
شا سه‌لما به‌ قاوه‌ی عه‌ره‌بی پێشوازی له‌ تره‌مپ ده‌كات
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad