English | عربی | Kurdî دواهەواڵ
ڕاستەوخۆ
 
لە ئاهەنگێکی خنجیلانەدا دوو لاوی ئاوارە بە یەک گەیشتن
2017-02-16 [08:44 AM]

ZNA- هەولێر


ئاوارەکان لە کەمپەکاندا بە هیواوە لە داهاتووی ژیانی خۆیان دەڕوانن، لە ناو کەمپەکاندا لەگەڵ بارودۆخی سەختی ژیانی ئاوارەکان، بەهۆی هەوڵ و ماندووبوونی کارمەندانی دەزگای خێرخوازیی بارزانی ئومێدی ژیانەوە لە دڵی دانیشتوانی کەمپەکاندا درووست بووە.

لە کاتێکدا کە رۆژ بە رۆژ ژمارەی ئاوارەکان رووی لە زیادبوونە، بەشێک لە ئاوارەکان بیر لە داهاتووی ژیانی خۆیان دەکەنەوە و بە ئومێدەوە لەو داهاتووە دەڕوانن، رێکەوتی ١٦/٢/٢٠١٧ دەزگای خێرخوازیی بارزانی ئاهەنگێکی کەم وێنەی بۆ دوو لاوی ئاوارەی کەمپی خازر بەڕێوەبرد کە بڕیاریان دابوو ژیانی هاوبەش لەگەڵ یەکتری پێک بهێنن.

لە ئاهەنگەکەدا بە سەدان ئاوارە و کارمەندانی دەزگای خێرخوازیی بارزانی و رێکخراوەکانی دیکەی ناو کەمپەکە بەشداربوون و هەرکەسێک بە شێوەیەک خۆشحاڵی خۆی بۆ ئەو دوو لاوە دەر دەبڕی، دەزگای خێرخوازیی بارزانی چالاکییەکانی بۆ درووست کردنەوەی ژیانێکی ئارام و دوور لە کەموکوڕیە بۆ ئاوارەکانی کەمپەکان و هەربۆ ئەو مەبەستەش ئاهەنگێکی بێوێنەی بۆ ئەو دوو گەنجە پێکهێنا.

وەکوو هەموو ئاهەنگەکانی دیکەی هاوسەرگیری سەرەتا بووک و زاوا لە سالۆنێکدا جوانکارییان بۆ کرا و پاشان هاتنە نێو کۆڕی ئەو خەڵکانەی بەمەبەستی پیرۆزبایی و خۆشی دەبڕینییان بۆ دوو لاوەکە لەوێ کۆببوونەوە، دوای کاتژمێرێک ئاهەنگەکە کۆتایی پێهات.

 

 





ئەم هەواڵە 367جار خوێندراوەتەوە
 
 
ڤیدیۆ گەلەری
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
بوێری دەکەیت ئاوا خۆت ھەڵدەیت
چین...تووشی رووداوێكی ترسناك بوو، به‌ڵام رزگاری بوو
ئەرجەنتین..بۆ تۆماركردنی ریكۆردێك، 2000 كەس لەسەر ئاو پاڵكەوتوون
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad