English | عربی | Kurdî دواهەواڵ
ڕاستەوخۆ  
 
مخابن بۆ ئەو رۆیدانا لرێکەفتی (٢ / ٣ / ٢٠١٧) لخانەسوورێ ھاتیە ئەنجامدان، لھەر لایەکی خسارەتی وباجا وێ کورد ددەن
2017-03-04 [08:16 AM]


 زۆر خەمبارین کۆ PKKـە ڤێ یاریێ دکەت وھیچ دەستکەفتەک بۆ کوردان ژێ ناھێت ژبلی مال خرابوون و وێرانکرنێ نەبیت. PKKـە بڤی کارێخو نە بەس نابیتە خۆدان دەستکەفتەک، لێ رۆژ بۆ رۆژێ مارجینال ژى دبیت. ئەف ھزرا PKKێ کۆ دشێت سوود ژ کارەساتا شنگال وەرگریت یا کۆ بدەستێ داعشێن ھۆڤ ھاتیە کرن بوێ رامانا (مصائب قوم عند قوم فوائد).
جێوازی ل ھەبوونا PKKێ لباشوور، رۆژئاڤا، رۆژھەلاتا کوردستانێ لگەل پێشمەرگەیێن رۆژئاڤا ئەوە: PKKـە لدیڤ ڤالاتیێن سیاسی وعەسکەری لپارچێن دی یێن کوردستانێ بمەرەما دەست دانینا وان پارچەیان داکۆ بەلانسەکێ دناڤبەرا شکەستنێن خۆ وکردارێن خۆ یێن دیری لۆژیک ڤەشێریت، وپەنایێ دبەتە سەر ڤان رەنگە سیاسەتان لپارچێن دی.
لێ لەشکرێ رۆژئاڤا دشەرتێن مەجبووریدا ھاتینە باشوور، سەروکایەتیا کوردستانێ وحکوومەتا ھەرێمێ دەستێ ھاریکاریێ بۆ درێژ کریە وەکو بۆPYD یا PKKێ درێژکری وشەرڤانێن YPG یێن PKKێ. بڤی شێوەی لەشکرێ رۆژ بوو ھێزەکا پڕۆفشنال وبرێکێن زانستی ولەشکری وئەمنی بشێن پاراستنا ئاخا خۆ بکەن وئەولەکاریا گەلێ خۆ ب پارێزن.
مخابن PKKێ حەتا ڤێ چرکەیا ئەز دنڤیسم لدژی ڤەگەراندنا لەشکرێ رۆژە. 
لدەمێ مەترسی کەتیە سەر ھەرێما کوردستانێ لەشکرێ رۆژ بوێ تەجروبەیا لھەرێمێ وەرگرتی شیان رۆلەکێ یەکجار مەزن وبەرچاڤ ببینن ژبۆ پاراستنا ھەرێما کوردستانێ وھەمی کەس شاھدێ قارەمانی وقوربانیا وانن وخۆینا وان شاھدێ ھەرێ مەزنە کۆ تا نووکە ژی لسەنگەران ب سۆراتیا خۆیا دبرسقیت وھشک بوونا وێ مەحالە. لێ مخابن ھیچ جارەکێ بێ ئاستەنگ دەرکەتن ژلایێ PYDێ و YPG یا PKKێ شەھیدێن لەشکرێ رۆژئاڤا نە گەریاینە جهێ باوەشا ئاخا دایکبوونا خۆ.
لەشکرێ رۆژ وەک ئەو بخۆ دبێژن " ئەم گرێدای رێبازا بارزانی نەمرین"، ئانکۆ ھێزەکا نەتەوەی، مرۆڤاتی وھەر پارچەکا کوردستانێ پێویست بیت دێ ھاریکاربیت وئەرکێ مرۆڤاتیێ لکیرێ بکەڤيتە سەر ملێ مە دێ جێبەجێ کەن.
نھا لەشکرێ رۆژ دبن فەرمانا ھەرێما کوردستانێ کارێخۆ بڕێڤەدبەت، لباشوور وەکو ھێزەکا یاسایی ودبن فەرمانان دا کاردکەت وھەولێن سەرۆکاتیا کوردستانێ وھەمی دۆستێن کوردان ئەوه کۆ، PKKـە قەبوول بکەت بێ شەڕ وب براتی ومل بملێ وان ل رۆژئاڤاى کاربکەن. رێیا راست بۆ کوردایەتی ئەوە بلەز PKKـە بڕیارا خۆ بدەت ودەست ژ باشوورى بەردەت، مایتێکرنا کارێن نافخۆیا ھەرێمێ نەکەت ونەبیتە ئامرازێ تێکبرنا پەیوەندیێن سیاسی وچڤاکی وئاساییشێ لکوردستانێ. دڤێت ل ھەر جهەکى بيت خەلکێ مە ب ئازادی ژیانا خۆ ببەتە سەری و بچنە سەر جهـ و وار ومال گوندێن خۆ.
عزيز ويسى بانى
فەرماندێ فەرماندەیا پێشمەرگەیێن زێرەڤانی
٤ / ٣ / ٢٠١٧





ئەم هەواڵە 18187جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad