English | عربی | Kurdî دواهەواڵ
ڕاستەوخۆ
 
موسڵ... هێزه‌ عێراقییه‌كان له‌ گه‌ڕه‌كه‌كانی رۆژئاوای شاره‌كه‌ پێشڕه‌وییه‌كی فراوان ده‌كه‌ن
2017-03-05 [03:40 AM]

ZNA - هه‌ولێر


له‌ چوارچێوه‌ی پرۆسه‌ی رزگاركردنی دووه‌م گه‌وره‌ شاری عێراق له‌ ژێر ده‌ستی داعش، هێزه‌ عێراقییه‌كان چوونه‌ ناو چوار گه‌ڕه‌كی نوێی به‌ری راستی شاره‌كه‌.

ئه‌مڕۆ یه‌كشه‌ممه‌ هێزه‌ عێراقییه‌كان له‌ به‌ری راستی موسڵ پێشڕه‌وییان كرد و توانیان بگه‌نه‌ ناو گه‌ڕه‌كه‌كانی ده‌ندان و ده‌واسه‌ و سمود و ته‌ل رومان.

به‌پێی به‌یاننامه‌یه‌كی شانه‌ی جه‌نگی له‌ زاری فه‌رمانده‌ی پرۆسه‌ی "ئه‌ی نه‌ینه‌وا واهاتین" فه‌ریقی روكن عه‌بدولئه‌میر یاره‌ڵا رایگه‌یاند، هێزه‌كانی پۆلیسی فیدرالی و فرقه‌ی به‌رپه‌رچی خێرا چوونه‌ ناو هه‌ردوو گه‌ڕه‌كی ده‌ندان و ده‌واسه‌، تاكو ئێستا پێشڕه‌وییه‌كان به‌رده‌وامن.

له‌ به‌یاننامه‌یه‌كی دیكه‌دا، یاره‌ڵا ده‌ڵێت، "هێزه‌كانی دژه‌ تیرۆر چوونه‌ ناو گه‌ڕه‌كه‌كانی سمود و ته‌ل رومان." هێزه‌كانی دژه‌تیرۆر و به‌رپه‌رچی خێرا رۆڵێكی سه‌ره‌كیان له‌شه‌ڕی دژی چه‌كدارانی داعش له‌ موسڵ هه‌یه‌.

لای خۆیه‌وه‌ رائد شاكر جه‌وده‌ت، فه‌رمانده‌ی هێزه‌كانی پۆلیسی فیدرال رایگه‌یاند، هێزه‌كانیان به‌پشتیوانی بۆردومانێكی چڕی تۆپهاوێژه‌كانه‌وه‌، چوونه‌ ناو گه‌ڕه‌كی ده‌واسه‌ی ناوه‌ڕاستی موسڵ كه‌ كۆمه‌ڵگاكانی حكومه‌تی لێیه‌.

له‌ 19ی شوبات هێزه‌ عێراقییه‌كان پرۆسه‌ی رزگاركردنی به‌ری رۆژئاوای شاری موسڵیان راگه‌یاند، له‌ماوه‌ی دوو هه‌فته‌دا توانیان چوار گه‌ڕه‌ك به‌ته‌واوی كۆنترۆل بكه‌ن.

له‌ 17ی تشرینی یه‌كه‌م به‌ پشتیوانی هێزی ئاسمانی هاوپه‌یمانان كه‌ ئه‌مه‌ریكا سه‌ركردایه‌تی ده‌كات پرۆسه‌ی رزگاركردنی موسڵ ده‌ستپێكرا.

 

FRANCE24





ئەم هەواڵە 3937جار خوێندراوەتەوە
 
 
ڤیدیۆ گەلەری
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
له‌ ئاسمانه‌وه‌ قه‌باره‌ی ئه‌و زیانه‌ی به‌ر موسڵی كۆن كه‌وتووه‌، ببینه‌
له‌ ئاسمانه‌وه‌ وێنه‌ی وێرانه‌ی مزگه‌وتی نوری و مناره‌ی حه‌دبا ببینه‌
مۆبایل سەری لە قوڕێ نا
موشه‌كی رووسی له‌ ده‌ریای ناوه‌ڕاسته‌وه‌ ئاراسته‌ی داعش له‌ ته‌دمور ده‌كرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad