English | عربی | Kurdî دواهەواڵ
ڕاستەوخۆ
 
لە گوندی قولەسووتاو سیمینارێک بۆ مامۆستایانی ژن و پیاو بەڕێوەچوو
2017-03-15 [08:16 AM]

​ZNA – ھەولێر


 

"لەیلا ئەحمەد" ئەندامی تیمی گەرمیانی ڕێکخراوی وادی بە ئاژانسی ھەواڵی زاگرۆسی ڕاگەیاند: ئەمڕۆ لە قوتابخانەی قولەسووتاو لە گوندی قولەسووتاو سیمینارێک بەناوی چارەسەری ئاشتیانەی ململانێیەکان بۆ مامۆستایانی ژن و پیاو بەڕێوەچوو.

 

لەیلا ئەحمەد ئەوەشی خستە ڕوو: ڕێکخراوی وادی سیمیناری کەمپەین و ھەڵمەتە نوێیەکەی بۆ بەرەنگاربوونەوەی توندو تیژی جەستەیی, دەرونی و زارەکی دژی منداڵان لەنێو قوتابخانەی قولەسووتاو لە سنوری ئیدارەی گەرمیان ئەنجام دا, بەگشتیش تیمەکەی وادی و مامۆستایان  باسی کاریگەری ئەو دیاردە توندوتیژیانەیان کرد کە لە ڕەفتارەکانی ڕۆژانەدا بەرانبەر بە منداڵ و خوێندکاران دەکرێت لەنێو خێزان و باخچەی ساوایان.

 

لەیلا ئەحمەد ئەوەشی گوت: بەھۆی کەمی ھۆشیاری و قەیرانی داراییەوە توندوتیژیەکان بەرانبەر بە قوتابیان لە خوێندنگەکاندا زیادی کردووە.

 

وتیشی: ئامانجمان بەرەنگاربوونەوەی توندوتیژی و ھۆشیارکردنەوەیە بۆ بنیان نانی نەوەیەکی نوێ بۆ چەندین سەدە لە کۆمەڵگای کوردستاندا کە بتوانێت بێ توندوتیژی بژیت و خاوەنی بیر و باوەڕ و بڕیاری خۆی بێت و بەشێوەیەکی ئاشتیانە کێشە دەرونی و کۆمەڵایەتیەکانی چارەسەر بکات.

 

لەیلا ئەحمەد ئەوەشی گوت: مامۆستایان بەبێ جیاوازی ڕەگەز ھاوڕایی و ھاوکاری خۆیانیان دەربڕی بۆ ئەم ھەڵمەتە و بەرەنگاربوونەوەی ھەر توندوتیژیەک بەرانبەر بە خۆێندکارن.

 

علی جاف





ئەم هەواڵە 613جار خوێندراوەتەوە
 
 
ڤیدیۆ گەلەری
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
بوێری دەکەیت ئاوا خۆت ھەڵدەیت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad