English | عربی | Kurdî دواهەواڵ
ڕاستەوخۆ
 
نوێنه‌ری نه‌ته‌وه‌ یه‌كگرتووه‌كان: به‌بۆنه‌ی نه‌ورۆزه‌وه‌ ده‌ستخۆشی له‌ ئازایه‌تیی پێشمه‌رگه‌ ده‌كه‌م
2017-03-20 [03:34 AM]

ZNA - هه‌ولێر


نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان سه‌باره‌ت به‌ نه‌ورۆز هیوای خواست مۆته‌كه‌ی داعشی تیرۆریست به‌زوویی كۆتایی پێ بێت، ده‌ستخۆشی له‌ خۆڕاگری و قاره‌مانیی خه‌ڵك ده‌كه‌م  به‌رابه‌ر نه‌هامه‌تی و ناخۆشیه‌كان، وتیشی، به‌م بۆنه‌وه‌ من ده‌مه‌وێ ده‌ستخۆشی له‌ ئازایه‌تیی هێزه‌كانی ئاسایشی عیراق و هێزه‌كانی پێشمه‌رگه‌ بكه‌م كه‌ ئێستا یان شه‌ڕی داعشی تیرۆریست ده‌كه‌ن.

به‌بۆنه‌ی جه‌ژنی نه‌ورۆزه‌وه‌، نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق "یان كۆبیش" رایگه‌یاند، له‌ راستیدا نه‌ورۆز كاتی ژیانه‌وه‌یه‌ و سه‌ره‌تایه‌كی تازه‌یه‌ بۆ براده‌ران و ئه‌ندامانی خانه‌واده‌ كه‌ به‌یه‌كه‌وه‌ له‌ كه‌شێكی ئاشتیدا ئاهه‌نگ بگێڕن.

وتیشی، به‌داخه‌وه‌، ئه‌مڕۆ بۆ چه‌ندان خه‌ڵك ئه‌م یادكردنه‌وه‌یه‌ هه‌رگیز فه‌راهه‌م نابێت به‌هۆی به‌رده‌وامبوونی شه‌ڕی ته‌فروتوناكردنی داعشی تیرۆریست له‌ شوێنه‌ سه‌رسه‌خته‌كانی كه‌ ئه‌مه‌ش بووه‌ته‌ مایه‌ی ده‌ربه‌ده‌ركردنی هه‌زاران خه‌ڵك له‌ ماڵوحاڵی خۆیان.

كۆبیش، به‌رامبه‌ر نه‌هامه‌تی و ناخۆشیه‌كان ده‌ستخۆشی له‌ خۆڕاگری و قاره‌مانیی خه‌ڵك ‌كرد و وتی، هیوادارین ئه‌م مۆته‌كه‌یه‌ی داعش دروستی كردووه‌ به‌زوویی و به‌ڕزگاكردنی موسڵ و ناوچه‌كانی تركۆتایی پێ بێت و ئاواره‌كانیش بتوانن بگه‌ڕێنه‌وه‌ سه‌ر ماڵوحاڵی خۆیان.

ئاماژه‌ی به‌وه‌ش دا، به‌م بۆنه‌وه‌ ده‌مه‌وێ ده‌ستخۆشی له‌ ئازایه‌تیی هێزه‌كانی ئاسایشی عیراق و هێزه‌كانی پێشمه‌رگه‌ بكه‌م كه‌ ئێستا یان شه‌ڕی داعشی تیرۆریست ده‌كه‌ن و یانیش له‌سه‌رتاسه‌ری وڵاتدا بوونه‌ته‌ پاسه‌وان و هه‌ر قوربانییه‌كانی ئه‌وانیشه‌ كه‌ ئاهه‌نگی نه‌ورۆزی له‌ زۆر ناوچه‌ به‌شێوه‌یه‌كی ئاشتی و رێكوپێك ده‌سته‌به‌ر كردووه‌.





ئەم هەواڵە 2518جار خوێندراوەتەوە
 
 
ڤیدیۆ گەلەری
شا سه‌لما به‌ قاوه‌ی عه‌ره‌بی پێشوازی له‌ تره‌مپ ده‌كات
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad