English | عربی | Kurdî دواهەواڵ
ڕاستەوخۆ  
 
بیڵ گەیتس بۆ چوارەمین ساڵ دەوڵەمەندترین کەسی جیھان هاتەوه
2017-03-21 [06:05 AM]

ZNA- هەولێر


 

گۆڤاری Forbesی ئەمریکا ئەمساڵیش ناوی ناوی دەوڵەمەندترین کەسەکانی جیھانی بڵاوکردەوە.

 

دامەزرێنەری کۆمپانیای مایکرسۆفت، "بیڵ گەیتس"ی ئەمریکی کە ساڵی رابردوو سامانەکەی ٧٥ ملیار دۆلار بوو، لەمساڵدا سامانەکەی بۆ ٨٦ ملیار بەرزکردووەتەوە و جارێکی دیکە ریزبەندی یەکەمی لیستی دەوڵەمەندترینەکانی جیھانی گرتەوە.

 

بیڵ گەیتس کە ماوەی چوار ساڵە پێشەنگی لیستەکەیە لە ساڵی ١٩٩٤ەوە تا ئێستا ١٨ جار نازناوی دەوڵەمەندترین پیاوی جیھانی بەدەست ھێناوە.

 

وەبەرھێنەری ئەمریکی، وارن بوفێت بە ٧٥ ملیار و ٥٠٠ ملیۆن دووەمی لیستەکەیە و دامەزرێنەر و بەڕێوەبەری ئامازۆنیش لەڕیزبەندی سێیەمدا دێت.

 

لەژنانیشدا خاوەنی گەورەترین پشکی کۆمپانیای جوانکاریی فەڕەنسی، لۆریاڵ لیلیان بێتەنکۆرت بە ٣٩ ملیار و ٥٠٠ ملیۆن دۆلاری ئەمریکی لەڕیزبەندی ١٤یەمی لیستی دەوڵەمەندترینەکانی جیھاندا دێت و دەوڵەمەندترین ژنی جیھانە.

 

دۆناڵد ترەمپ کە لە ھەڵبژاردنی ٢٠١٦دا بە سەرۆکی ئەمریکا ھەڵبژێردرا و بووە یەکێک لە کاریگەرترین کەسایەتییەکانی جیھان، لە سەروەتەکەیدا ھەمان بەرەوپێشچوونی بەخۆیەوە نەبینی.

 

بەپێی زانیارییەکانی گۆڤارەکە، سەروەتەکەی ترەمپ لە ساڵی رابردوودا بەبڕی یەک ملیار دۆلار کەمیکردووە و بۆ سێ ملیار و ٥٠٠ ملیۆن دۆلار دابەزیوە. بەوپێیە سەرۆکی ئەمریکا لە لیستی دەوڵەمەندترینەکانی جیھاندا، ٢٢٠ پلە دابەزیوە و لەڕیزبەندیی ٥٤٤ەمدایە.

 

سەرچاوه: AA





ئەم هەواڵە 9007جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad