English | عربی | Kurdî دواهەواڵ
ڕاستەوخۆ
 
عەبادی و پێنس باسیان له‌ به‌كارهێنانی چه‌كی كیمیایی له‌ سوریا كرد
2017-04-08 [06:05 AM]

ZNA - هه‌ولێر


سەرۆکوەزیرانی عێراق، له‌په‌یوه‌ندیه‌كی ته‌له‌فۆنیدا له‌گه‌ڵ جێگری سه‌رۆكی ئه‌مه‌ریكا بەکارهێنانی چەکی کیمیاوی لە سووریا ئیدانە كرد و وتی، گەلی عێراقیش لەلایەن رژێمی بەعسی پێشووه‌وه‌ بە چەکی کیمیاوی بۆردومان کراوە.

نووسینگەی سەرۆکایەتی وەزیرانی عێراق رایگه‌یاند، حەیدەر عەبادی په‌یوه‌ندیه‌كی ته‌له‌فۆنی لەگەڵ جێگری سەرۆكی ئەمریكا، مایك پێنس ئه‌نجامدا و تاوتوێی به‌كارهێنانی چەکی کیمیاویان لە سووریا کردووە و باسیان له‌وه‌ش كردوه‌ کە گەلی عێراقیش لەلایەن رژێمی بەعسی پێشووه‌وه‌ بە چەکی کیمیاوی بۆردومان کراوە.

له‌و په‌یوه‌ندیه‌ ته‌له‌فۆنیه‌دا حەیدەر عەبادی ده‌ڵێت، عێراق بەكارهێنانی چەكی كیمیاوی لە سووریا بە تاوان دەزانێت و ئیدانەی دەكات، وتیشی، ئێمە لەگەڵ گەلی سووریاین كە بوونەتە قوربانی هێرشی كیمیاوی، هەروەها گەلی عێراقیش لەلایەن رژێمی پێشوو رووبەڕووی هێرشی كیمیاوی بوونەوە بۆیە داوا دەکەین ده‌ستبه‌جێ لێكۆڵینەوەیەكی نێودەوڵەتی لە بارەی ئه‌و هێرشە كیمیاوییە ئه‌نجام بدرێت.

به‌یاننامه‌كه‌ی نوسینگه‌ی سه‌رۆكی وه‌زیرانی عێراق باسی له‌وه‌ش كرد كە مایك پێنس دووپاتی كردووەتەوە، ئەمریكا چاودێری رەوشی سووریا دەكات و رایگەیاندووە ئامانجی لە پێشینەمان شكستهێنانە بە داعش، لەگەڵ ئەوەشدا ڕاوێژ و هەڵوێستی عێراق لەبارەی سووریا بۆ ئێمە گرنگە.





ئەم هەواڵە 1030جار خوێندراوەتەوە
 
 
ڤیدیۆ گەلەری
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad