English | عربی | Kurdî دواهەواڵ
ڕاستەوخۆ
 
سەرۆكی هەرێم: پڕۆسەی ڕیفراندۆم بۆ ئەوەیە جیهان ڕای كوردستانیان لەبارەی ئاییندەی كوردستان بزانێت
2017-04-20 [05:04 AM]

ZNA - هه‌ولێر


 

ئه‌مڕۆ پێنجشەممە لە سەلاحەددین مەسعود بارزانی سەرۆكی هەرێمی كوردستان پێشوازی لە سیگمار گابڕیێڵ جێگری ڕاوێژكار و وەزیری دەرەوەی ئەڵمانیا و شاندێكی یاوەری كرد كە پێكهاتبوو لە ڕینهۆڵد ڕۆب ئەندامی پارلەمانی ئەڵمانیا و فرانز جوزێف كرێمپ باڵیۆزی ئەڵمانیا لە عێراق و مارك ئیكهۆرن كونسوڵی ئەڵمانیا لە هەولێر و ژمارەیەك بەرپرس و ڕاوێژكاری وەزارەتی دەرەوەی ئەڵمانیا.

 

لە دیدارەكەدا وەزیری دەرەوەی ئەڵمانیا سوپاسی گەلی كوردستان و هێزی پێشمەرگەی كرد كە شەڕی تیرۆریستانیان كردووە و جیهانیان پاراستووە، هەروەها ستاییشی خۆڕاگری و قوربانیدانی خەڵكی كوردستانی كرد لەو شەڕەدا و پێزانینیشی بۆ ئازایەتی پێشمەرگە هەبوو لە شەڕی دژی تیرۆریستاندا. جەختیشی لەوە كردەوە كە وڵاتەكەی بەردەوام دەبێت لە مەشق و ڕاهێنانی پێشمەرگە و گەیاندنی پێداویستیی پزیشكی و هەروەها پاككردنەوەی ناوچە ئازادكراوەكان لە مین و پاشماوەی تیرۆریستان.

 

لەبەرانبەردا سەرۆك بارزانی سوپاسی گەل و حكوومەتی ئەڵمانیای كرد كە یارمەتیدەر و پشتیوانی گەلی كوردستانن لە شەڕی تیرۆر و لە وتەیەكدا باسی لە پەلاماری تیرۆریستان بۆ سەر كوردستان و خۆڕاگری و قوربانیدانەكانی پێشمەرگەی كرد لە شەڕی تیرۆریستاندا.

 

لە بەشێكی دیكەی كۆبوونەوەكەدا بارودۆخی مەیدانیی ئۆپەراسیۆنی ئازادكردنی موسڵ و قۆناغی دوای داعش و تەحەدیات و گرفتەكانی ئەو قۆناغه تاوتوێ كرا.

 

ئاییندەی هەرێمی كوردستان و ڕیفراندۆم تەوەرێكی دیكەی ئەو دیدارە بوو و بە دوورودرێژی باسی مێژووی گەلی كوردستان لەگەڵ دەوڵەتی عێراق كرا لە سەد ساڵی ڕابردوو و سەرۆك بارزانی ئەوەی خستەڕوو كە پڕۆسەی ڕیفراندۆم بۆ ئەوەیە كە جیهان ڕای كوردستانیان لەبارەی ئاییندەی كوردستان بزانێت و جەختی لەوە كردەوە پڕۆسەی سەربەخۆیی كوردستان پڕۆسەیەكی ئاشتیانە و لەڕێگەی دیالۆگ و لێكتێگەییشتن دەبێت و لەپێناو ڕێگەگرتن لە سەرهەڵدانی كێشە و گرفتەكانە.

 

لەدوای ئەو كۆبوونەوەیە سەرۆكی هەرێمی كوردستان و وەزیری دەرەوەی ئەڵمانیا لە پرێسكۆنفرانسێكدا ناوەڕۆكی كۆبوونەوەكەیان بۆ دەزگەكانی ڕاگەیاندن خستەڕوو.





ئەم هەواڵە 421جار خوێندراوەتەوە
 
 
ڤیدیۆ گەلەری
ناسا روونترین وێنه‌ی شه‌وی زه‌وی له‌ بۆشاییه‌وه‌ بڵاو ده‌كاته‌وه‌
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad