English | عربی | Kurdî دواهەواڵ
ڕاستەوخۆ
 
"دایكی بۆمبه‌كان" پاپ فڕه‌نسیس شه‌رمه‌زار ده‌كات
2017-05-06 [12:59 PM]

هه‌ولێرـ ZNA


پاپ فڕه‌نسیس پاپای ڤاتیكان، ره‌خنه‌ی توندی له‌ ناونانی گه‌وره‌ترین بۆمبی نا ئه‌تۆمی گرت، كه‌ ناونراوه ‌"دایكی بۆمبه‌كان" و سوپای ئه‌مریكا له‌م دواییانه‌دا له‌ ئه‌فغانسان به‌كاریهێنابوو، ئه‌و ده‌ڵێت نابێت  ناوی "دایك" بۆ چه‌كی كوشنده‌ به‌كاربهێنرێت و به‌و هۆیه‌وه‌ نیگه‌ران بووه‌و هه‌ست به‌ شه‌رمه‌زاری ده‌كات.

مانگی رابردوو، سوپای ئه‌مریكا بۆمبێكی گه‌وره‌ی نا ئه‌تۆمی به‌ ناوی GBU - 43 بۆ لێدان له‌ تۆڕی تونێلی ناوچه‌ سه‌خت و شاخاوییه‌كانی رۆژهه‌ڵاتی ئه‌فغانستان به‌كارهێنا، چونكه‌ پێیان وابوو، ژماره‌یه‌ك چه‌كداری سه‌ر به‌ رێكخراوی داعش خۆیان تێدا حه‌شارداوه‌. بۆ ئه‌و بۆمبه‌ زه‌به‌لاحه‌ش ناوی "دایكی بۆمبه‌كان" له‌ زۆربه‌ی كۆنگره‌ رۆژنامه‌وانیی و لێدوانه‌كانی په‌یوه‌ست به‌و بۆمبارانه‌وه‌ به‌كارهێنرا، به‌ڵام پاپ فڕه‌نسیس دژی ناونانی بۆمب و چه‌كی كوشنده‌یه‌ به‌ ناوی "دایك".

هه‌ر بۆیه‌ پاپای ڤاتیكان له‌ به‌رده‌م قوتابییه‌كانیدا گووتی:" هه‌ستم به‌ شه‌رمه‌زاری كرد كاتێك ئه‌و ناوه‌م بیست له‌و بۆمبه‌ كوشنده‌ نراوه‌، چونكه‌ دایك ژیان ده‌به‌خشێت و ئه‌و بۆمبه‌ش مه‌رگ. ئێمه‌ ناومان له‌و چه‌كه‌ ناوه‌ "دایك" چی رووده‌دات؟".

ئه‌م نیگگه‌رانییه‌ی پاپای ڤاتیكان له‌ كاتێكدایه‌، بڕیاره‌ رۆژی 24/5/2017 چاوی به‌ دۆناڵد تره‌مپ سه‌رۆكی ویلایه‌ته‌ یه‌كگرتووه‌كانی ئه‌مریكا بكه‌وێت، پێیوایه‌ كه‌شوهه‌وای دیداره‌كه‌ خۆش نابێت، چونكه‌ تره‌مپ هه‌ڵوێستی ته‌واو پێچه‌وانه‌ی هه‌یه‌ له‌ باره‌ی كۆچ و كۆچبه‌ران و گۆڕانكارییه‌كانی ژینگه‌شه‌وه‌.





ئەم هەواڵە 3610جار خوێندراوەتەوە
 
 
ڤیدیۆ گەلەری
ببینه‌ دیوارێك به‌سه‌ر ژماره‌یه‌ك ئۆتۆمبێل دا ده‌ڕوخێت
یه‌كه‌م بووكه‌ڵه‌ پیاسه‌ له‌ شه‌قامه‌كانی ژاپۆن ده‌كات
چه‌كدارانی داعش له‌ رۆژئاوا بۆ رۆژهه‌ڵاتی سوریا به‌ پاس ده‌گوازرێنه‌وه‌
دوای ئه‌و هێرشه‌ چی روویدا
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad