English | عربی | Kurdî دواهەواڵ
ڕاستەوخۆ
 
سەرۆکی ھەرێمی کوردستان ساڵیادی دامەزراندنی یەکێتیی مامۆستایانی کوردستان پیرۆز دەکات
2017-05-15 [04:21 AM]

ZNA- هەولێر


 

لە یادی دامەزراندنی یەکێتیی مامۆستایانی کوردستاندا، "مەسعود بارزانی" سەرۆکی ھەرێمی کوردستان پەیامێکی پیرۆزبایی ئاراستە کرد، ئەمە دەقەکەیەتی:

 

"بە ناوی خوای مەزن و دلۆڤان

 

بەرێزان سکرتێر و ئەندامانی سکرتاریەتی یەکێتیی مامۆستایانی کوردستان

 

سڵاو و رێز

 

بەبۆنەی یادی پەنجاوپێنج ساڵەی دامەزراندنی یەکێتیی مامۆستایانی کوردستان، پیرۆزباییەکی گەرم ئاراستەی ئێوە و سەرجەم مامۆستایانی خۆشەویستی کوردستان دەکەم و ھیوای سەرکەوتنی زیاترتان بۆ دەخوازم .

 

خەباتی ڕزگاریخوازی گەلەکەمان، دەرخەری ئەو ڕاستییەیە کە مامۆستایانی کوردستان سەرەڕای ئەرکی پێگەیاندنی نەوەکانی گەلەکەمان، وەک پێشمەرگەی ئازا و تێکۆشەر لە سەنگەری پێشەوەی خەباتدا بوون و لەو پێناوەشدا دەیان شەھیدی نەمریان پێشکەشی کوردستان کردووە.

 

دوای بڕینی بودجەی کوردستان و شەڕی داسەپاوی تیرۆریستان و لێکەوتەکانی ئەو شەڕە، سەرەڕای ئاستەنگەکان و دۆخی نالەباری دارایی، ئێوەی مامۆستایان و سەرجەم کارمەندان و خەڵکی کوردستان، بەھەمان ڕوحییەتی پێشمەرگانەوە بەرانبەر ئەو دۆخە قورسە خۆڕاگر بوون و نەتانھێشت کاروانی خوێندن لە کوردستان بوەستێت. ئێستایش کە لە سایەی قارەمانێتیی پێشمەرگەی کوردستان، ئەفسانەی داعش لەسەر دەستی ڕۆڵەکانی کوردستان تێکشکێندرا و گەلەکەمان ھەنگاوی مەزنی لەپێشە، پێویستە مامۆستایان بە ھەمان ڕۆحییەتی پێشمەرگانەوە لە خەباتدا بن و ھەستی نیشتیمانپەروەری و کوردایەتیی لەناو نەوەی ئێستادا پەرە پێ بدەن و ڕێگە نەدەن ھەوڵی ناحەزان بۆ بڵاوکردنەوەی ھەستی خۆ بەکەمزانین و بێ ئیرادەیی لەناو منداڵ و گەنجانی وڵاتەکەماندا سەربگرێت.

 

پێویستە مامۆستایان ئەو وانەیە بە ڕۆڵەکانمان بڵێنەوە کە نابێ قوربانییەکانی گەلەکەمان بێ ئەنجام بێت و بە ئومێدێکی زۆرەوە بەرەو داھاتوویەکی پڕشنگدار ھەنگاو بنێن.

 

ھەر شاد و سەرکەوتوو بن."

 

مەسعود بارزانی

١٥/٥/٢٠١٧





ئەم هەواڵە 2812جار خوێندراوەتەوە
 
 
ڤیدیۆ گەلەری
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
له‌ ئاسمانه‌وه‌ قه‌باره‌ی ئه‌و زیانه‌ی به‌ر موسڵی كۆن كه‌وتووه‌، ببینه‌
له‌ ئاسمانه‌وه‌ وێنه‌ی وێرانه‌ی مزگه‌وتی نوری و مناره‌ی حه‌دبا ببینه‌
مۆبایل سەری لە قوڕێ نا
موشه‌كی رووسی له‌ ده‌ریای ناوه‌ڕاسته‌وه‌ ئاراسته‌ی داعش له‌ ته‌دمور ده‌كرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad