English | عربی | Kurdî دواهەواڵ
ڕاستەوخۆ  
 
سه‌رچاوه‌یه‌ك ژماره‌ی چه‌كدارانی داعش له‌ به‌ری راستی موسڵ ئاشكرا ده‌كات
2017-06-05 [07:44 AM]

ZNA - هه‌ولێر


ئه‌مڕۆ دووشه‌ممه‌ سه‌رچاوه‌یه‌ك له‌ شاری موسڵ رایگه‌یاند، نزیكه‌ی هه‌زار چه‌كداری داعش كه‌ زۆربه‌یان بیانین له‌ حاڵه‌تێكی تۆقین و ترس دان و له‌ دوایین مۆڵگه‌ی خۆیان له‌ به‌ری راستی موسڵ گه‌مارۆ دراون.

ئه‌و سه‌رچاوه‌یه‌ له‌ تۆڕه‌ كۆمه‌ڵایه‌تییه‌كان به‌ناوی "موسلیون" وتیشی، ئه‌و چه‌كدارانه‌ی له‌دوایین ناوچه‌كانی به‌ری راستی شاره‌كه‌ له‌وانه‌ ناوچه‌ی بۆرسه‌ و شاری كۆن ماون، ژماره‌یان له‌ هه‌زار كه‌س كه‌متره‌.

ئه‌و سه‌رچاوه‌یه‌ وتیشی، له‌نێو ئه‌و چه‌كدارانه‌ی داعش زۆربه‌یان به‌ره‌گه‌ز بیانین، كه‌ له‌و دوو ناوچه‌یه‌ گه‌مارۆ دراون و له‌ حاڵه‌تێكی ترس و تۆقین دان.

ئاماژه‌ی به‌وه‌ش كرد، چه‌كداره‌كانی داعش هیچ بژارده‌یه‌كی دیكه‌یان له‌به‌رده‌م دا نییه‌ ته‌نها شه‌ڕكردن نه‌بێت یاخود به‌بێ ئاگاداری فه‌رمانده‌كانیان خۆیان له‌گه‌ڵ هاوڵاتیان تێكه‌ڵ بكه‌ن و رزگار بكه‌ن.

سه‌رچاوه‌كه‌ ئه‌وه‌شی خسته‌روو، چه‌كدارانی داعش كه‌ره‌سته‌ و كه‌لوپه‌لی ته‌ندروستی ئه‌و نه‌خۆشخانانه‌ی تاڵان وبڕۆ كردوه‌ كه‌ تاكو ئێستا له‌ ژێر ده‌ستیان دایه‌ و وه‌كو نه‌خۆشخانه‌ی كۆماری هێشتا وێران نه‌بوون، ئه‌و كه‌ره‌ستانه‌شیان بۆ موسڵی كۆن گواستۆته‌وه‌ تاكو بۆ ساڕێژكردنی برینداره‌كانی خۆیان به‌كاری بهێنن.

 

سپۆتنیك





ئەم هەواڵە 3085جار خوێندراوەتەوە
 
 
ڤیدیۆ گەلەری
خەونی ھەمو ئافرەتێک , کەسێکی ئاوای ھەبێت
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad