English | عربی | Kurdî دواهەواڵ
ڕاستەوخۆ  
 
قائیمقامی سلێمانی له‌باره‌ی چیای گۆیژه‌ داوایه‌ك لەھاوڵاتیان و گەشتیاران دەکات
2017-06-15 [03:03 AM]

ZNA - هه‌ولێر


 

قائیمقامیەتی سلێمانی  بەھەماھەنگی لەگەڵ لایەنە پەیوەندیدارەکان لەھەوڵی پاراستنی چیای ئەزمه‌ڕ و گۆیژەدایە بۆ ئەو مەبەستەش چەند تیمێک پێکھێنراوە،  قائیمقامی سلێمانیش دەڵێت لەرێگەی  ئەو ھەنگاوانەی گرتویانەتەبەر رێگری تەواو دەکەن لە کەوتنەوەی ئاگر و زیان گەیاندن بە ژینگەی چیای گۆیژە داواش لەھاوڵاتیان و گەشتیاران دەکات ھاوکاریان بن لە پاراستنی ژینگەی شاری سلێمانی.

 

ئەمڕۆ پێنج شەممە ئاوات محەمەد قائیمقامی سلێمانی لەگەڵ لێپرسراوانی بەڕێوەبەرایەتییە پەیوەندارەکانی پارێزگای سلێمانیدا کۆبووەوە و ئەو ھەنگاوانە تاوتوێکران کە پێویستە بۆ پاراستنی چیای گۆیژە بگیرێتەبەر بە تایبەت لەوەرزی ھاویندا کە زۆرجار رووبەڕووی سوتاندن دەبێتەوە , قائیمقامی سلێمانی راگەیاند لەپێناو پارێزگاری کردن لە دار و ژینگەی چیای گۆیژە ھەموو ھەنگاوێکی پێویست دەگرنە بەر و ھەرچی پێویست بێت بۆ پاراستنی دەیکەن.

 

 ئەوەشی خستەڕوو وەک ھەنگاوی یەکەم دەستیان کردووە بە "ئاگربڕ" لە چیاکەدا و لەگەڵ ئەوەشدا تیمێکی بەرگری شارستانی لە گۆیژە جێگری کراوە بۆ پاراستنی چیاکە لەئەگەری کەوەتنەوەی ئاگر بۆ ئەوەی لەماوەیەکی کەمدا کۆنتڕۆڵ بکرێت و زیان بە دار و ژینگەی چیاکە نەگەیەت , ووتیشی بەردەوام پۆلیسی دارستان چاودێری ژینگەی ناوچەکە دەکەن و ھەرکەسێک ھۆکاربێت بۆ کەوتنەوەی ئاگر رووبەڕووی سزای یاسایی دەکرێتەوە , ئاوات محەمەد راشیگەیاند بەشی ھەرە زۆری رووداوەکانی ئاگر کەوتنەوە لە چیای ئەزمڕ و گۆیژە بۆ کەمتەرخەمی ئەو کەسانە دەگەڕێتەوە کە بۆ بەسەربردنی کاتەکانیان دەچنە سنورەکەو پاش جێھێشتنی شوێنەکەیان ئاگر و پشکۆ بەگەشاوەیی بەجێ دەھێڵن.

 

  داواشی لەھاوڵاتیان و گەشتیارن کرد بە ووریاییەوە کاتەکانیان بەرێبکەن و نەبنە ھۆکار بۆ شێواندن و زیان گەیاندن بە ژینگەی سلێمانی , لە کۆبوونەوەکەشدا ھەموو لایەنەپەیوەندیارەکان رێکەوتن لەسەر گرتنەبەری چەند رێوشێنێکی پێویست بۆ پارێزگاری کردن لە چیای کۆیژە لە ئەگەری ھەر مەترسییەک کە رووبەڕووی بێتەوە.

 

دەربارەی گرنگی پاراستنی چیایی ئەزمڕ و کۆیژە لە ھەر مەترسیەک کە رووبەڕووی ببێتەوە حسێن حەمە کەریم بەڕێوەبەری گشتی باخداری و دارستان و پاوان لە وەزارەتی کشتوکاڵی ھەرێم رایگەیاند چیای کۆیژە یەکێکە لە دیارترین سیما دیارەکانی شاری سلێمانی و پاراستن و بە سەوزی ھێشتنەوەی ئەرکی تەنیا دامەزراوەکانی حکومەت نیە بەڵکو ئەرکی ھەموو ھاوڵاتییەکە کە لە خەمی پاراستنیدا بێت , ووتیشی ھەنگاوی پێویست بۆ پارستنی چیای ئەزمڕ و گۆیژە گیراوەتەبەر و ئەمساڵ رێگری تەواو دەکرێت لە ئەگەری ئاگرکەتنەوە و  سوتان و لەناوچونی دار و ژینگەی چیاکە .

 





ئەم هەواڵە 4330جار خوێندراوەتەوە
 
 
ڤیدیۆ گەلەری
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
شەڕە قۆچ لەگەڵ ئۆتۆمبێل دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad