English | عربی | Kurdî دواهەواڵ
ڕاستەوخۆ
 
پارێزگاری ھەولێر ھۆکاری ژەھراوی بوونی ئاوارەکانی ئاشکرا کرد
2017-06-19 [12:36 PM]

ZNA-ھەولێر


پارێزگاری هەولێر لە كۆنگرەیەكی ڕۆژنامەوانیدا ڕایگەیاند، بەهۆی ھەبوونی بەكتریا لە مریشك و برنجەكەدا حاڵەتی ژەھراویبوونی ئاوارەکانی کەمپی حەسەن ‌‌شام دروست بووە.

 

ئەمڕۆ دووشەممە 19.6.2017 نەوزاد هادی، پارێزگاری هەولێر لە كۆنگرەیەكی ڕۆژنامەوانیدا ڕایگەیاند: ئەو خۆراكەی كە لە مریشك و برنج پێكهاتبوو لەبەر گەرما دانراون و بەو هۆیەشەوە بەكتریایان تێدا دروست بووە، ئەوەش بووەتە هۆی دروستبوونی حاڵەتی ژەهراوی بوونەكە، دواتر چارەسەری پێویست بۆ کەسەکان كرا و دۆخەكە كۆنترۆڵ كراوە.

 

پارێزگار ئەوەشی خستەڕوو: ئەوان لە دادگا بۆچوونی خۆیان خستووەڕوو، هەروەها لەڕێگەی دادگاوە 7 كەسی دەستگیر كردووە، كە 6 کەس لەوانە لە ڕێستۆرانتەكەن كە خۆراكەكەیان دروست كردووە و یەكێكیشیان لە ڕێكخراوەكە دایە، هێمای بۆ ئەوەش كرد "خۆراكەكە لەلایەن ڕێكخراوی موحتاجین لەگەڵ ڕێستۆرانتی دونیا دروست كراوە".

 

ھەروەھا گووتیشی: لە بەدواداچوونەكانیاندا مەبەستێكی دیاری كراو نابینن كە بووبێتە هۆكاری حاڵەتی ژەهراوی بوونەكە، بەڵام هەڵە لە جۆری ئیشكردنی ڕێكخراوەكەدا هەبووە كە بەو شێوازە خۆراكەكەی ئامادە كردووە".

 

هەفتەی ڕابر بەهۆی خواردنەوە لە كەمپی ئاوارەكانی حەسەن‌شام 825 ئاوارەی كەمپەكە توشی ژەهراویبوون بوون.

 

رێباز یونس





ئەم هەواڵە 2476جار خوێندراوەتەوە
 
 
ڤیدیۆ گەلەری
ببینه‌ دیوارێك به‌سه‌ر ژماره‌یه‌ك ئۆتۆمبێل دا ده‌ڕوخێت
یه‌كه‌م بووكه‌ڵه‌ پیاسه‌ له‌ شه‌قامه‌كانی ژاپۆن ده‌كات
چه‌كدارانی داعش له‌ رۆژئاوا بۆ رۆژهه‌ڵاتی سوریا به‌ پاس ده‌گوازرێنه‌وه‌
دوای ئه‌و هێرشه‌ چی روویدا
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad