English | عربی | Kurdî دواهەواڵ
ڕاستەوخۆ  
 
له پێناو بەناوبانگ بوون کوڕه هاوڕێیەکەی کوشت
2017-06-29 [07:16 AM]

ZNA- هەولێر


 

ژنێک له ویلایەتی "مینەسووتا" بۆ راکێشانی لایەنگری زیادتر له یوتیوب، له پێش کامێرا کوڕه هاوڕێیەکەی خۆی کوشت.

 

"مونالیزا پێرێز" تەمەن ١٩ساڵ، کتێبێکی ئەستووری له پێش سینگی "روییەز" کوڕه هاوڕێیەکەی راگرت و له بەرچاوی کامێرا و بینەرانی گەڕەکەکەی، گوللـەیەکی لێدا بۆ ئەوەی بسەلمێنێت گوللـە کتێبەکه نابڕێت، بەڵام وادەرنەچوو.

 

پووری روییەز گوتوویەتی، ئەوان دەیانویست ڤیدیۆی ئەم کارەیان له یوتیوب بڵاو بکەنەوه بۆ ئەوەی کەسی زیادتر له تۆڕه کۆمەڵایەتییەکان بۆخۆیان راکێشن.

 

کلۆدیا روییەز لەسەر زاری برازاکەی گێڕایەوه که گوتبووی: "دەمانهەوێت بینەری زیادتر بۆخۆمان راکێشین. دەمانهەوێت بەناوبانگ بین، بەڵام من پێمگوت ئەم کاره نەکەی، بۆ چک بەکار دێنی؟"

 

کلۆدیا گوتی: "ئەوان یەکتریان زۆر خۆش‌دەویست، تەنیا دەیانویست شتێکی جیاواز بکەن."

 

پێرێز منداڵێکی تەمەن ٣ساڵانی له روییەز هەیه و ئێستاش دووگیانه و به تۆمەتی کوشتنی بێ‌ئەنقەست بەند کراوه و بڕیاره چوارشەممەی داهاتوو دادگایی بکرێت.

 

داواکاری گشتیی داڵاس گوتوویەتی، کتێبەکه فەرهەنگێکی گەوره بووه و چەکەکەش دەمانچەیەکی ٥٠کالیبر بووه له مەودای ٣٠سانتیمەتر تەقەی لێکراوه..

 

پێرێز دەڵێت سەبارەت بەو کاره هۆشداریی داوەتە کوڕه هاوڕێیەکەی و ئەوه بیرۆکەی ئەو بووه.

 

سەرچاوه: BBC





ئەم هەواڵە 3469جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad