English | عربی | Kurdî دواهەواڵ
ڕاستەوخۆ
 
ئه‌مریكا له‌یارمه‌تییه‌ سه‌ربازییه‌كانی بۆ په‌یه‌ده‌ به‌رده‌وامه‌
2017-07-10 [08:17 AM]

ZNA - هه‌ولێر


 

به‌پێی هه‌واڵێكی ئاژانسی ئه‌نادۆڵ ئه‌مریكا به‌ بیانووی به‌ره‌نگاربوونه‌وه‌ی داعش، به‌رده‌وامه‌ له‌ پێشكه‌شكردنی هاوكاریی سه‌ربازی به‌ په‌كه‌كه‌ و په‌یه‌ده‌ له‌ سووریا و له‌ماوه‌ی هه‌فته‌ی رابردوودا، به‌ دوو كاروان 184 بارهه‌ڵگر له‌ باكووری ره‌ققه‌ گه‌یه‌نراوه‌ته‌ ده‌ست ئه‌ندامانی رێكخراوه‌كه‌.

 

به‌ پێی ئه‌و زانیارییانه‌ی ده‌ست ئاژانسه‌كه‌ كه‌وتوه‌، 5ی ته‌مووز 82 بارهه‌ڵگر و 9ی ته‌مووز 102 بارهه‌ڵگر كه‌ تێكڕا ده‌كاته‌ 184 بارهه‌ڵگر له‌ سنووری عێراقه‌وه‌ گه‌یشتووه‌ته‌ ناو حه‌سه‌كه‌ كه‌ به‌ده‌ستی په‌یه‌ده‌وه‌یه‌.

 

له‌ كاروانه‌كه‌دا، تانكه‌ری سووته‌مه‌نی و هامه‌ری سه‌ربازی به‌دیده‌كراوە و، به‌ پێی زانیارییه‌كان ئه‌مه‌ دواین ئاماده‌كاریی رزگاركردنی ره‌ققه‌یه‌ له‌ ده‌ستی داعش.

 

جگه‌ له‌وه‌ له‌ 5ی حوزه‌یران 60 بارهه‌ڵگر، 12ی حوزه‌یران 20 و لە 16ی حوزه‌یران 50، هەروەها لە 21 و 26ی حوزه‌یراندا 120 بارهه‌ڵگر پێداویستیی سه‌ربازی گه‌یه‌نراوه‌ته‌ ده‌ستی په‌كه‌كه‌/په‌یه‌ده‌.

 

به‌ پێی ئه‌و به‌ڵگه‌نامه‌ی له‌ وه‌زاره‌تی به‌رگریی ئه‌مریكاوه‌ ده‌ست په‌یامنێری ئاژانسی ئانادۆڵو كه‌وتووه‌ له‌ لیستی ئه‌و چه‌كانه‌ی ده‌درێت به‌ گرووپه‌كانی ناو په‌كه‌كه‌ و په‌یه‌ده‌ له‌ سووریا 12 هه‌زار كڵاشینكۆف، شه‌ش هه‌زار چه‌كی پیاده‌، سێ هه‌زار و 500 چه‌كی قورسی پیاده‌، سێ هه‌زار RPG-7ی ئه‌مریكی، هه‌زار دۆشكه‌ی AT-4ی ئه‌مریكی و دۆشكه‌ی رووسی هه‌یه‌.

 

هه‌روه‌ها له‌و چوارچێوه‌یه‌دا، 235 گولـله‌ هاوه‌ن، 100 نیشان شكێن، 450 دوربینی شه‌و له‌ جۆری PV-7 و 150 دوربینی له‌یزه‌ری گه‌یشتووه‌ته‌ ده‌ستی رێكخراوه‌كه‌.

 

له‌ شه‌شی حوزه‌یرانه‌وه‌ ده‌ستپێكردنی ئۆپه‌راسیۆنی رزگاركردنی ره‌ققه‌ له‌ لایه‌ن هاوپه‌یمانیی نێوده‌وڵه‌تی به‌ رابەرایەتی ئه‌مریكا راگه‌یه‌نراوه‌، به‌ڵام ئه‌مریكا له‌ نیسانی 2016ه‌وه‌ هاوكاریی سه‌ربازی پێشكه‌شی په‌كه‌كه‌/په‌یه‌ده‌ ده‌كات.





ئەم هەواڵە 898جار خوێندراوەتەوە
 
 
ڤیدیۆ گەلەری
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
له‌ ئاسمانه‌وه‌ قه‌باره‌ی ئه‌و زیانه‌ی به‌ر موسڵی كۆن كه‌وتووه‌، ببینه‌
له‌ ئاسمانه‌وه‌ وێنه‌ی وێرانه‌ی مزگه‌وتی نوری و مناره‌ی حه‌دبا ببینه‌
مۆبایل سەری لە قوڕێ نا
موشه‌كی رووسی له‌ ده‌ریای ناوه‌ڕاسته‌وه‌ ئاراسته‌ی داعش له‌ ته‌دمور ده‌كرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad