English | عربی | Kurdî دواهەواڵ
ڕاستەوخۆ  
 
کێ دێ پشتگیریا مە کەت؟
2017-08-11 [12:27 PM]

نڤیسینا: ئومێد ووڵاتی




پشتی هه‌می ئه‌و خه‌بات و قوربانیدانا گه‌لێ مه‌ ژبوو رزگاربوون ل بن ده‌ستێ زۆلم و زورداریێ كری ،  بریار د كومبونا سه‌رۆك بارزانی دگه‌ل هێز و لایه‌نێن سیاسی ل هه‌رێمێ هاتیه‌دان كۆ ل رێكه‌فتێ ٢٠١٧/٩/٢٥ ل هه‌رێما  كوردستانێ و هه‌می ئه‌و ده‌ڤه‌رێن ل ده‌رڤه‌یی ئیداره‌یا هه‌رێما كوردستانێ پرۆسه‌یا گشتپرسیێ برێڤه‌ بچیت و گه‌لێ كوردستانێ پشتی هه‌می وێ ماندیبوون و قوربانی دانێ بریارێ لسه‌ر چاره‌نڤیسێ خۆ بده‌ت.
پشتی بریار هاتیه‌ دان كۆ گشتپرسی بهێته‌كرن  ل گه‌له‌ك سازیێن راگه‌هاندنێ به‌حس لسه‌ر وێ چه‌ندێ دكه‌ن ئه‌رێ دێ كی پشتگیریا هه‌رێمێ كه‌ت لسه‌ر ڤێ پرۆسێ؟ یان هنده‌ك كه‌س و لایه‌ن ب به‌رنامه‌یێن دارشتی كار لسه‌ر هندێ دكه‌ن خو خه‌لكێ كوردستانێ وه‌سا دێ بگه‌هینن كۆ كه‌س پشتگیریا خه‌لكێ كوردستانێ ناكه‌ت و ئه‌ف پرۆسه‌یه‌ سه‌رناكه‌ڤیت ، له‌وما گرنگه‌ لسه‌ر هه‌می نیشتیمان په‌روه‌ران ب هه‌می ته‌خ و چینانڤه‌ كار ژبوو هندێ بكه‌ن كۆ به‌رچاف رۆنیه‌كا باشتر بده‌نه‌ خه‌لكێ كوردستانێ كۆ چ وه‌ڵات یان كه‌سایه‌تی ل پێش پرۆسه‌یا گشتپرسیێ پاڵپشتیا مه‌ ناكه‌ن   هه‌تا پشتی ڤێ پرۆسه‌یێ ، چونكی هیچ كه‌س ، لایه‌ن و وه‌ڵات نه‌شێن ب ئاشكرایی پاڵپشتیا خو ده‌رببرن ژبه‌ركۆ ئه‌ڤه‌ دێ بیته‌ مایتێكرن دناڤ سیاسه‌تا وه‌ڵاته‌كی دی دا و نه‌چارن بێژن ئه‌م دگه‌ڵ ئێك پارچه‌ییا عێراقێینه‌ ، چونكه‌ گه‌له‌ك وه‌ڵاتان گوتیه‌ ئه‌م دێ پێكولێ كه‌ین كۆ عێراق ب ئێك پارچه‌یی بمینیت.
چ وه‌ڵات نه‌شێن ب ئاشكرا پاڵپشتیا مه‌ بكه‌ن له هه‌رده‌ما پرۆسه‌یا گشتپرسیێ ده‌نگێن پێدڤی ئینان و خه‌لكێ كوردستانێ بریارا ئێكلاكری دا وی ده‌مێ دێ بیته‌ بریارا زۆرینه‌یا خه‌لكێ كوردستانێ و نه‌چارن رێزێ ل بریارا خه‌لكێ كوردستانێ بگرن ، سه‌ره‌رای رێزگرتن بۆ بریارا خه‌لكێ كوردستانێ گه‌له‌ك ژ ووڵاتێن خودان ده‌سه‌ڵات  ل جیهانێ دبیت به‌رژه‌وه‌ندی دگه‌ل هه‌رێما كوردستانێ هه‌بن له‌وما پشتی پرۆسه‌یا گشتپرسیێ ژبه‌ر به‌رژه‌وه‌ندیێن خو ل ڤێ ده‌ڤه‌رێ دێ نه‌چاربن دان پێدانێ بكه‌ن و پاڵپشتیێ ل بریارا خه‌لكێ كوردستانێ بكه‌ن .
وه‌كی من ئاماژه‌ پێدایی ل پێشیا پرۆسه‌یا گشتپرسیێ چ وه‌ڵات نه‌ ده‌وڵه‌ته‌كێ بۆ مه‌ درۆست دكه‌ن نه‌ ب ئاشكرا دبێژنه‌ مه‌ پاڵپشتیا هه‌‌وه‌ دێ كه‌ین ژبه‌ر هنده‌ك یاسا و رێسایێن نێف نه‌ته‌وه‌یی كۆ رێیێ ناده‌ن چ وه‌ڵات مایتێكرنێ د سیاسه‌تا وه‌ڵاته‌كێ دیتردا بكه‌ن.
زۆر به‌یا ئه‌و وه‌ڵاتێن گشتپرسی بۆ جودابونێ ئه‌نجام دای كه‌سێ پێش پرۆسه‌یا گشتپرسیێ پاڵپشتی نه‌كریه‌ و پشتی گشتپرسی ئه‌نجام دای زۆربه‌یا وه‌لاتان پشتگیری لێ كریه‌ و نها خودی وه‌ڵاته‌ك سه‌ربه‌خۆ و خودان بریارن  ، ئه‌گه‌ر مه‌ژی بڤێت خوه‌دی ووڵاته‌ك سه‌ربه‌خۆ و خوه‌دی بریارا خوبین  هه‌روه‌سا خویناشه‌هیدان و كه‌تا خه‌لكێ كوردستانێ ب هه‌روه‌یی  نه‌چیت ،دڤێت بریارا خو بده‌ین ببژین به‌لێ ژ بۆ جودابوون ل عێراقێ، وی ده‌می وه‌ڵاتێن ئه‌ورۆپی و ووڵاتێن ده‌ردورامه‌ دێ دانپێدانێ بمه‌ كه‌ن نه‌ ژبه‌ر خاترا چاڤێن مه‌ ، به‌لكی ژبه‌ر به‌رژه‌وه‌ندیێن خۆ ل ده‌ڤه‌رێ.

 





ئەم هەواڵە 5347جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad