English | عربی | Kurdî دواهەواڵ
ڕاستەوخۆ  
 
یەکێتیی لاوانی جیهان، پەیامێکی پیرۆزبایی ئاراستەی لاوانی کوردستان کرد
2017-08-12 [08:40 AM]

ZNA- ئەوڕۆپا


یەکێتیی لاوانی دیموکراتی جیهان پەیامێکی پیرۆزبایی ئاراستەی سەرکردایەتیی سیاسیی هەرێمی کوردستان و لاوانی کوردستان کرد، کە ئەمە دەقی ڕاگەیاندراوەکەیە:

بۆ / بەڕێز سەركردایەتیى سیاسیى هەرێمى كوردستانى عێراق
لاوانى سیاسیی هەرێمى كوردستانى عێراق

بە بۆنەى هاتنى ١٢ى ئاب، ڕۆژى لاوانى جیهان، دەمانەوێت پیرۆزبایى یەكێتیى لاوانى دیموكراتى جیهان لە بەڕێزتان و گەلى كوردستانى بەحورمەت بكەیەن، لەم ڕۆژە پرشنگدارەدا دووپاتى دۆستایەتیمان بۆ باشترین گەل دەكەینەوە،  ئەو گەلەى بووە هۆى لەناوبردنى سەخترین گرووپى تیرۆریستی لە مێژوودا .

ئێمە لاوانى كوردستان لە چوارچێوەى قارەمانەتیى پێشمەرگەدا دەبینین، هەروەها بینیوومانە كە هەرێمى كوردستان مۆدێلێكى بەهاى دیموكراسییە لە ڕوانگەى مافى مرۆڤایەتى، بەتایبەتى كاتێك بووە هاوكار و پارێزەرى زیاتر لە دوو ملیۆن پەنابەر لەسەر ئاستى عێراق و سووریادا.
یەكێتیى لاوانى دیموكراتى جیهان پشتئەستوورە بە بەندەكانى جاڕنامەى گەردوونیى مافى مرۆڤ و نەتەوە یەكگرتووەكان، بۆیە بە گەرمییەوە دەبێتە پاڵپشتێك بۆ ڕیفراندۆمى سەربەخۆییى گەلى كوردستان لە ٢٥ى ئەیلوولى ٢٠١٧دا.

هەروەك پێشتریش بەڵێنمان دابوو بە فەرمی نوێنەرى خۆمان دەنێرین بۆ چاودێریكردنى پرۆسەكەش، ئێمە فەخرمەندین كە دەنگى گەلى هەرێمى كوردستان دەگەیێنین.

پیرۆز بێت ڕۆژى لاوانى جیهان
دڵسۆزتان
فەلاح حەسەن
جێگرى سەرۆكى یەكێتییی لاوانى دیموكراتى جیهان

 

 

 





ئەم هەواڵە 2833جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad