English | عربی | Kurdî دواهەواڵ
ڕاستەوخۆ
 
سبەی شاندی بەغدای ئەنجوومەنی باڵای ریفراندۆم دەچێتە بەغدا
2017-08-13 [04:05 AM]

ZNA- ھەولێر


 

رۆژی شەممه لە میانی بەڕێوەچوونی کۆبوونەوەی ئەنجوومەنی باڵای ریفراندۆم لە سەلاحەدین بە سەرپەرشتی سەرۆکی ھەرێمی کوردستان، "مەسعود بارزانی" رۆژی دووشەممەی داھاتوو دەست نیشانکرا بۆ سەردانە چاوەڕوانکراوەکەی شاندی بەغدای ئەنجوومەنی باڵای ریفراندۆم.

 

لەمبارەیەوە ئەندامی شاندی بەغدای ئەنجوومەنی باڵای ریفراندۆم، ڤیان دەخیل رایگەیاند "پرسی ئەنجامدانی ریفراندۆم تەوەری سەرەکی کۆبوونەوەکانمان دەبێت لەگەڵ بەغدا".

 

ئەندامی شاندی بەغدای ئەنجوومەنی باڵای ریفراندۆم، ڤیان دەخیل کە یەکێک بوو لە بەشداربووانی کۆبوونەوەکەی ئەمڕۆ لەبارەی ناوەڕۆکی کۆبوونەوەکە بۆ ئاژانسی ئانادۆڵو گوتی: "پرسی ئەنجامدانی ریفراندۆمی ھەرێم بۆ سەربەخۆیی تەوەری سەرەکی کۆبوونەوەکانمان دەبێت لەگەڵ بەغدا و بە لایەنە سیاسییەکانی عێراق رادەگەیەنین کە ھەرێمی کوردستان بڕیاریداوە ریفراندۆم بۆ سەربەخۆیی ئەنجام بدات".

 

دەخیل گوتیشی: "ھەموو ئەو ماددە دەستوورییانەمان دەستنیشانکردووە کە بەغدا پابەندی نەبووە، کە زیاتر لە ٥۱ ماددەی دەستووری دەبن لەلایەن بەغداوە بەرامبەر ھەرێم جێبەجێ نەکراون".

 

شاندەکەی بەغدای ئەنجوومەنی باڵای ریفراندۆم پێکھاتوون لە رۆژ نووری شاوەیس، د. فوئاد حوسێن، سەعدی پیرە، محەممەد ئەحمەد، ماجید عوسمان، رۆمیۆ ھەکاری و ڤیان دەخیل.





ئەم هەواڵە 454جار خوێندراوەتەوە
 
 
ڤیدیۆ گەلەری
دوای ئه‌و هێرشه‌ چی روویدا
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
له‌ ئاسمانه‌وه‌ قه‌باره‌ی ئه‌و زیانه‌ی به‌ر موسڵی كۆن كه‌وتووه‌، ببینه‌
له‌ ئاسمانه‌وه‌ وێنه‌ی وێرانه‌ی مزگه‌وتی نوری و مناره‌ی حه‌دبا ببینه‌
مۆبایل سەری لە قوڕێ نا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad