English | عربی | Kurdî دواهەواڵ
ڕاستەوخۆ
 
مه‌حمود محه‌ممه‌د بۆ میدیاكانی رووسیا: کوردستانیان مافی خۆیانە داهاتووی خۆیان رەنگڕێژ بکەن
2017-09-13 [09:44 AM]

ZNA - هه‌ولێر


لە درێژەی سەردانەکەی مەحمود محەمەد ئەندامی مەکتەبی سیاسی پارتی دیموکراتی کوردستان بۆ ڕووسیا، لە مۆسکۆ ژمارەیەک دیداری گرنگی ڕۆژنامەوانی لەگەڵ دیارترین دامەزراوە میدیاییەکانی ڕووسیا ساز کرد و بە شێوەیەکی تێروتەسەل ڕۆشنایی خستە سەر ئیرادەی گەل و سەرکردایەتی سیاسیی کوردستان بۆ ئەنجامدانی ڕیفراندۆمی سەربەخۆیی لە ۲۵ی سێبتەمبەری ئەمساڵ.

هەر سێ دامەزراوەی میدیایی پراڤدا، ریانۆڤەستی و ئاژانسی هەواڵی ئینتەر فاکس بە جیا دیدارەکانیان ئەنجامدا.

لە هەریەک لەم دیدار و چاوپێکەوتنە میدیاییانەدا مەحمود محەممەد باسی لە دوایین ڕووداو و پێشهات و گۆڕانکارییە سیاسییەکانی کوردستان و عێراق و ناوچەکە بەگشتی کرەوە و بە شێوەیەکی تێروتەسەل ڕۆشنایی خستە سەر ئیرادەی گەل و سەرکردایەتی سیاسیی کوردستان بۆ ئەنجامدانی ڕیفراندۆمی سەربەخۆیی لە ۲۵ی سێبتەمبەری ئەمساڵ و ڕایگەیاند کە پڕۆسەی ریفراندۆم لە وادەی دیاریکراوی خۆیدا بەڕێوە دەچێ و ئیرادەی گەلی کورد سەردەکەوێ.

مه‌حمود محه‌ممه‌د روونی کردەوە کە لە عێراق پرەنسیبی شەراکەتی نیشتمانی نەماوە و ئەو وڵاتە بەرەو مەزهەبگەرایی و تاکڕەوی مل دەنێت، بۆیە کوردستانیان مافی خۆیانە لەسەر نیشتمانی خۆیان شێوازی ژیان و داهاتووی خۆیان رەنگڕێژ بکەن و بڕیار لە چارەنووسی خۆیان بدەن.

لە زۆربەی دیدارەکانیشدا مەحمود محەمەد باسی لە زەرورەت و ئاسۆی پەیوەندییە سیاسی و ئابوورییەکانی نێوان مۆسکۆ و هەولێر کرد و سپاسگوزاری گەل و سەرکردایەتی رووسیای کرد لە هاوکاری کردنی گەلی کوردستان.

 





ئەم هەواڵە 1504جار خوێندراوەتەوە
 
 
ڤیدیۆ گەلەری
ببینه‌ دیوارێك به‌سه‌ر ژماره‌یه‌ك ئۆتۆمبێل دا ده‌ڕوخێت
یه‌كه‌م بووكه‌ڵه‌ پیاسه‌ له‌ شه‌قامه‌كانی ژاپۆن ده‌كات
چه‌كدارانی داعش له‌ رۆژئاوا بۆ رۆژهه‌ڵاتی سوریا به‌ پاس ده‌گوازرێنه‌وه‌
دوای ئه‌و هێرشه‌ چی روویدا
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad